Кіраўніца Міністэрства эканомікі Украіны заявіла аб істотным прагрэсе ў пагадненні з ЗША аб нетрах

Найбліжэйшым часам будзе завершаная фармалізацыя ўгоды.

Віцэ-прэм'ерка і міністарка эканомікі Украіны Юлія Свірыдзенка паведаміла ў Facebook аб істотным прагрэсе ў перамовах з амерыканскай стараной аб пагадненні карысных выкапняў.

Свірыдзенка заявіла аб станоўчым новым кроку са Злучанымі Штатамі ў пагадненні аб эканамічным партнёрстве і стварэнні фонду інвестыцый у аднаўленне Украіны.

- Нашы тэхнічныя каманды вельмі грунтоўна папрацавалі разам над пагадненнем - ёсць істотны прагрэс, юрысты зрабілі правільныя акцэнты ў драфце пагаднення, дзякуй перамоўнікам у абедзвюх камандах, - напісала яна.

Паводле ейных слоў, ёсць дамоўленасць з амерыканскай стараной зафіксаваць гэты пазітыў у адпаведным мемарандуме аб намерах.

- Найбліжэйшым часам рыхтуемся закончыць фармалізацыю пагаднення, - адзначыла віцэ-прэм'ерка.

Паводле ейных слоў, каманды яшчэ будуць працаваць над канкрэтнымі пунктамі пагаднення, хаця шмат ужо прапрацавана.

- Пагадненне будзе падлягаць ратыфікацыі ў Вярхоўнай Радзе Украіны, даваць магчымасць інвестыцый і развіцця ва Украіне, а таксама забяспечыць умовы для адчувальнага эканамічнага росту і Украіны, і Злучаных Штатаў, - растлумачыла Свірыдзенка.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]