ЗША адмовіліся аднаўляць авіязносіны з Расеяй

Пра гэта паведаміў памочнік Пуціна Юры Ушакоў.

ЗША адмовіліся ад расейскай прапановы аднавіць непасрэдныя авіязносіны паміж краінамі і настойваюць, што гэтаму павінна папярэднічаць перамір'е ва Украіне. Пра гэта ў інтэрв'ю тэлеканалу "Россия 1" у чацвер паведаміў памочнік Пуціна Юры Ушакоў.

"Амерыканцы пакуль мяркуюць, што трэба дабіцца нейкіх зрухаў на ўкраінскім трэку, а потым толькі ўжо весці размову пра авіязносіны, хоць мне ўяўляецца, што гэта была б цалкам лагічная пастанова", — сказаў Ушакоў.

Ён дадаў, што таксама няма зрухаў у пытанні перамоваў Уладзіміра Пуціна і Дональда Трампа. “Размова пра гэта ідзе, пра гэтую тэлефонную размову. Пакуль дамоўленасць не дасягнутая», - сказаў Ушакоў.

Пасля пачатку вайны ва Украіне ЗША і Еўразвяз закрылі неба для расейскіх авіякампаній, а ў адказ Масква ўвяла аналагічныя забароны для перавозчыкаў з 36 краін, патрабуючы спецыяльнага дазволу ад Расавіяцыі або МЗС.

Аднавіць пералёты расейская дэлегацыя ўпершыню прапанавала ЗША падчас перамоваў у Стамбуле 27 лютага. Гэтае ж пытанне абмяркоўвалася ў пачатку красавіка, калі ў Вашынгтон лётаў кіраўнік Расейскага фонду прамых інвестыцый Кірыл Дзмітрыеў. «Фактычна ідзе актыўная праца ў аднаўленні непасрэдных авіязносін», - казаў Дзмітрыеў пасля перамоваў са спецпасланнікам Трампа Стывенам Уіткофам.

27 сакавіка новы пасол Расеі ў ЗША Дарчыеў заявіў, што плануе "прадметна заняцца" пытаннямі аднаўлення авіязносін паміж краінамі і спрашчэння візавых працэдур для грамадзян. Ён сцвярджаў, што практычная праца ў гэтым напрамку ўжо пачалася і "ўзяла добры тэмп, які можна і трэба нарошчваць".

Кіраўнік Дзярждэпа Марка Рубіа неўзабаве пасля візіту Дзмітрыева ў Вашынгтон заявіў, што "нічога не чуў" пра планы вярнуцца да непасрэдных пералётаў паміж РФ і ЗША. "Не ведаю, хто будзе лятаць, калі так шмат расейцаў пад санкцыямі", - дадаў ён.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]