Беларускія цяжкаатлеты атрымалі першы медаль на чэмпіянаце Еўропы

Стартавалі з «бронзы».

Беларуская цяжкаатлетка Сюзана Валадзько стала трэцяй у вагавой катэгорыі да 71 кг. на чэмпіянаце Еўропы па цяжкай атлетыцы ў Кішынёве.

Упачатку надзей на ўзнагароду не меў ніхто: наша спартсменка правалілася ў рыўку, узяўшы толькі з трэцяй спробы вагу 102 кг.

Але ў другім практыкаванні Валадзько змагла выправіць сітуацыю, устанавіўшы вынік 134 кг, і выйшла на выніковае трэцяе месца.

Чэмпіёнкай Еўропы стала Эйгла Фандал Стурлудоцір з Ісландыі з паднятай вагой 244 кг. Серабро ў расейкі Зарыны Гусалавай. Яе вынік - 241 кг.

Далей праграма турніру складаецца з шэрагу мужчынскіх спаборніцтваў. У цікавых для беларускіх заўзятараў катэгорыях выступяць Вадзім Ліхарад, Андрэй Фралоў (абодва - да 81 кг.), Уладзіслаў Саковіч, Сяргей Шаранкоў (абодва - да 109 кг.).

Галоўная ж надзея на золата будзе ў катэгорыі да 102 кг. Там на арэну выйдзе Яўген Ціханцоў - дзеючы чэмпіён Еўропы і бронзавы прызёр Алімпійскіх гульняў.

Турнір у сталіцы Малдовы працягнецца да 21 красавіка.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]