У Магілёўскай вобласці майстар прыйшоў ставіць вокны і спаліў хату замоўцы

На шчасце, усім удалося выбегчы з дому.

Гэтая сумная гісторыя здарылася ў Кіраўскім раёне ў снежні 2024 года. Цяпер крыміналісты пацвердзілі прычыну пажару ў прыватным доме. Пра яе расказалі ва ўправе ДКСЭ Магілёўскай вобласці.

А справа была так: у хаце мянялі вокны два спецыялісты. Гаспадыня ў нейкі момант паспрабавала распаліць у печы, але дровы не загараліся. Адзін з супрацоўнікаў прапанаваў дапамогу, жанчына адмовілася і пайшла ў іншы пакой да дзіцяці.

Тады 34-гадовы ўстаноўшчык вокнаў прынёс з аўтамабіля бутэльку з бензінам і плюхнуў у печ. Успыхнуў агонь, на мужчыну загарэлася вопратка, палыхнула і бутэлька з бензінам на падлозе.

Усім удалося выбегчы з дому, які ў выніку загарэўся.

Экспертыза пацвердзіла, што прычынай пажару стаў бензін, выліты ў печ, і ў дачыненні да майстра пачалі крымінальную справу.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]