Лукашэнка зняў з пасады амбасадара ў Арменіі

Экс-генпракурор Канюк узначальваў дыпмісію са снежня 2020 года.

Аляксандр Лукашэнка вызваліў ад пасады двух амбасадараў. Адпаведныя ўказы ён падпісаў 17 красавіка, паведаміла прэс-служба дыктатара.

Аляксандр Канюк вызвалены ад пасады амбасадара нашай краіны ў Арменіі. Ён узначальваў дыпмісію са снежня 2020 года. Да гэтага Аляксандр Канюк дзевяць гадоў быў генеральным пракурорам.

Вячаслаў Брыль вызваліў крэсла кіраўніка дыпмісіі ў Нігерыі і на сумяшчальніцтва ў Гане, Камеруне і Кот-д'Івуары. Амбасадарам ён быў прызначаны ў чэрвені 2018 года. Да гэтага Вячаслаў Брыль працаваў чатыры гады дырэктарам «Белінтэрэкспа» Беларускай гандлёва-прамысловай палаты.

Нагадаем, апошнія гады стасункі паміж афіцыйным Менскам і Ерэванам абвастрыліся. Прэм'ер-міністр Арменіі Нікол Пашынян раней неаднаразова крытыкаваў АДКБ, у тым ліку Расею і Беларусь за неаказанне дапамогі падчас канфлікту Арменіі і Азербайджана ў Нагорным Карабаху. Умовай змены стаўлення да АДКБ Пашынян назваў сыход з яе Беларусі, а таксама прабачэнні Аляксандра Лукашэнкі армянскаму народу за словы падтрымкі Баку падчас вайны 2020 года. Ён таксама заявіў, што ні ён, ні які-небудзь іншы армянскі чыноўнік не наведае Беларусь, пакуль уладу ў краіне ўзурпуе Лукашэнку.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]