Візіт Мэлані да Трампа: як прайшла сустрэча і пра што дамовіліся лідары

Прэзідэнт ЗША заявіў, што не спяшаецца ўкладаць гандлёвыя дамовы з замежнымі краінамі.

Прэм'ер-міністарка Італіі Джорджа Мэлані заявіла, што прэзідэнт ЗША Дональд Трамп прыняў яе запрашэнне наведаць Італію. Яна таксама дадала, што кіраўнік Белага дома будзе мець магчымасць сустрэцца з іншымі еўрапейскімі лідарамі.

Адпаведную заяву Мэлані зрабіла падчас супольнай прэс-канферэнцыі з прэзідэнтам ЗША. Напярэдадні прэм'ер-міністарка Італіі прыбыла ў Вашынгтон, каб сустрэцца з Дональдам Трампам і віцэ-прэзідэнтам ЗША Джэй Ды Вэнсам.

Альянс паміж Джорджыяй Мэлані і Дональдам Трампам, здаецца, стаў асабліва шчыльным, і яе візіт у Белы дом назвалі сапраўдным выпрабаваннем для гэтых стасункаў, паколькі лідары абмеркавалі шырокі спектр пытанняў.

Адзначым, што Мэлані была адзіным еўрапейскім лідарам, якая парушыла традыцыю і прыняла ўдзел у другой інаўгурацыі Трампа, у цырымоніі, якую замежныя лідары звычайна пазбягаюць і адпраўляюць туды паслоў сваіх краін.

- У гэты дзень я працаваў у пуле журналістаў і ўбачыў яе акурат падчас прэзідэнцкага набажэнства ў прэзідэнцкай царкве, якая адкрывала праграму мерапрыемстваў. Пасля малітвы яна актыўна нешта абмяркоўвала з Іланам Маскам, - расказаў карэспандэнт FREEДОМ.

Па дадзеных крыніц, знаёмых з падрыхтоўкай візіту, італьянскі бок каардынаваў паездку, абмяркоўваў яе з амерыканскімі чыноўнікамі не менш за паўтара месяца.

Для Мэлані гэта была ключавая магчымасць пацвердзіць сваю палітычную згоду з Трампам і пазіцыянаваць сябе як патэнцыйны канал для глыбейшага дыялогу.

У той жа час, гэта тонкі дыпламатычны баланс, і даводзіцца кіраваць стасункамі з Трампам з асцярожнасцю, захоўваючы пры гэтым моцныя сувязі з ЕЗ і працягваючы падтрымліваць Украіну.

Падчас сустрэчы з ёй прэзідэнт ЗША Дональд Трамп выказаў незадаволенасць вайной Расеі супраць Украіны, якая працягваецца.

- Я не ўскладаю віну на Зяленскага, але мяне зусім не радуе сам факт таго, што гэта вайна ніколі б не пачалася, калі б я быў прэзідэнтам.

Падчас сустрэчы ў Авальным кабінеце лідары абмеркавалі пытанні гандлю, мытаў і выдаткаў на абарону ў рамках NАТО. І акурат там жа Трамп заявіў, што не спяшаецца ўкладаць гандлёвыя дамовы з замежнымі краінамі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]