У Беларусі ў велікодныя выходныя будзе да +26°С

Падрабязны прагноз надвор'я на 19–21 красавіка.

19 красавіка надвор'е ў асноўным будзе вызначаць вобласць павышанага атмасфернага ціску, сфармаваная ў цёплай паветранай масе, па захадзе краіны адаб'ецца ўплыў франтальнага падзелу. Пераменная воблачнасць, паведамляе Белгідрамет.

Пераважна без ападкаў, толькі па захадзе краіны пройдуць кароткачасовыя дажджы, раніцай і днём месцамі з навальніцамі. Вецер паўднёвы сярэдні, раніцай і днём месцамі парывісты. Тэмпература паветра мінімальная ноччу +8…+14°С, максімальная днём складзе ад +19°С па захадзе да +26°С па ўсходзе краіны. Атмасферны ціск уначы істотна не зменіцца, днём будзе слаба падаць.

20–21 красавіка адаб'ецца ўплыў атмасферных франтоў, якія перамяшчаюцца з Заходняй Еўропы. Чакаецца воблачнае з праясненнямі надвор'е.

20 красавіка ноччу месцамі, раніцай і днём на большай частцы тэрыторыі краіны пройдуць кароткачасовыя дажджы, у асобных раёнах чакаюцца навальніцы. Уначы і раніцай месцамі слабы туман. Вецер паўднёвай чвэрці сярэдні, месцамі парывісты. Тэмпература паветра мінімальная ноччу +7…+13°С, максімальная днём +17...+22°С, у паўднёвых і паўднёва-ўсходніх раёнах паветра прагрэецца да +25°С.

21 красавіка месцамі па краіне пройдуць кароткачасовыя дажджы. Днём у асобных раёнах прагрымяць навальніцы. Уначы і раніцай месцамі слабы туман. Вецер пераменных напрамкаў сярэдні, пры навальніцах парывісты. Тэмпература паветра мінімальная ноччу +7…+13°С, максімальная днём будзе ад +18°С па поўначы да +26°С па поўдні краіны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]