WSJ: У ЗША прадставілі план захавання замірэння ва Украіне

Кіеў патрабуе дакладных гарантый.

Адной з цэнтральных тэм перамоў Украіны і ЗША ў Парыжы стала ўсёабдымнае спыненне агню. На іх Кіеў дакладна даў зразумець, што пагадненне магчымае толькі пры наяўнасці рэальных гарантый бяспекі. Аб гэтым піша The Wall Street Journal.

У выданні нагадалі, што 17 красавіка ў Парыжы прадстаўнікі ЗША правялі перамовы з украінскай дэлегацыяй і прадстаўнікамі еўрапейскіх краін. Кіраўнік Офіса прэзідэнта Украіны Андрэй Ярмак назваў абмеркаванне «вельмі змястоўным», падкрэсліўшы, што Кіеў чакае дакладных гарантый ад міжнародных партнёраў, прынамсі, аб недапушчэнні паўторнай агрэсіі з боку Расеі пасля ўстанаўлення замірэння.

У той жа час, дзяржсакратар ЗША Марка Рубіё пацвердзіў, што ўкраінскі бок узнімаў пытанне гарантый бяспекі, але ўстрымаўся ад раскрыцця дэталяў.

«Падчас перамоў украінскія прадстаўнікі нагадалі амерыканцам аб раней агучанай пазіцыі ў Савудаўскай Арабіі: Кіеў пагодзіцца на спыненне агню, калі на гэта пойдзе і Расея. Зрэшты, Масква традыцыйна выстаўляе непрымальныя ўмовы, накіраваныя на паслабленне абараназдольнасці Украіны, напрыклад, спыненне вайсковай дапамогі, мабілізацыі і падрыхтоўкі вайскоўцаў», - гаворыцца ў паведамленні.

Акрамя таго, адзін з заходніх чыноўнікаў расказаў выданню, што ЗША прадставілі праект канцэпцыі маніторынгу захавання перамір'я ў выпадку дасягнення дамоўленасці. Аднак падрабязнасці пакуль не выдаюцца.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]