Іран і ЗША пачалі другі раўнд ядзерных перамоваў у Рыме

Бакі знаходзяцца ў розных залах і не кантактуюць наўпрост.

У Рыме пачаўся другі раўнд непрамых перамоваў паміж ЗША і Іранам у аднаўленні ядзернай угоды. Пра гэта ў суботу, 19 красавіка, паведамляе агенцтва IRNA (пераклад – New Voice).

Сустрэча арганізаваная амбасадай Амана ў Італіі. Першы раўнд такіх перамоваў адбыўся ў мінулую суботу ў Маскаце, сталіцы Амана.

У перамовах бяруць удзел намеснік міністра замежных справаў Ірана Абас Аракчы і спецпрадстаўнік прэзідэнта ЗША на Блізкім Усходзе Стыў Уіткаф.

Паводле словаў прадстаўніка іранскага МЗС Эсмаіла Бакаі, фармат перамоваў застаўся нязменным: бакі знаходзяцца ў розных залах і не кантактуюць наўпрост.

Асноўнымі тэмамі абмеркавання з'яўляюцца ядзерная праграма Ірана і магчымае скасаванне амерыканскіх санкцый супраць Тэгерана.

18 красавіка агенцтва Reuters са спасылкай на крыніцы паведамляла, што Іран заявіў, што дасягненне пагаднення са Злучанымі Штатамі магчымае, калі «яны прадэманструюць сур'ёзнасць намераў і не будуць выстаўляць нерэалістычныя патрабаванні». Таксама Тэгеран патрабуе ад ЗША гарантый, што Дональд Трамп не выйдзе з новай ядзернай дамовы.

Дональд Трамп і ядзерная праграма Ірана – што вядома

У 2018 годзе, падчас свайго першага прэзідэнцкага тэрміну, Дональд Трамп абвясціў пра выхад ЗША з Пагаднення аб іранскай ядзернай праграме, дасягнутага ў 2015 годзе. Прычынай для гэтага сталі, паводле ягоных словаў, доказы распрацоўкі Тэгеранам ядзернай зброі.

13 студзеня 2025 года The Times са спасылкай на крыніцы ў заходніх выведках паведаміла, што Іран вядзе таемныя дыпламатычныя перамовы з Расеяй, накіраваныя на пашырэнне ваеннага супрацоўніцтва і атрыманне падтрымкі ў рэалізацыі ядзернай праграмы.

7 сакавіка прэзідэнт Трамп заявіў, што напісаў ліст вярхоўнаму лідару Ірана аяталу Алі Хаменеі з прапановай заключыць новую ядзерную ўгоду. Паводле звестак Axios, Трамп даў Ірану двухмесячны тэрмін для заключэння ўгоды.

13 сакавіка аятала Хаменеі заявіў, што адмаўляецца ад прапановы прамых перамоваў са Злучанымі Штатамі датычна ядзернай угоды.

11 красавіка стала вядома пра падрыхтоўку да перамоваў ЗША і Ірана і што Тэгеран разглядае магчымасць прапанаваць Вашынгтону часовую ядзерную ўгоду.

12 красавіка ў сталіцы Амана Маскаце 12 красавіка адбыліся непрамыя перамовы паміж дэлегацыямі Ірана і ЗША ў пытанні ядзернай зброі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]