Forbes: УСУ знішчаюць рэкордную колькасць артылерыі ворага дзякуючы новай сістэме
1- 2.04.2025, 9:04
- 14,196
Крэмль у паніцы просіць дапамогі ў КНДР.
28 сакавіка ў Генштабе Украіны зрабілі справаздачу аб знішчэнні 122 артылерыйскіх сістэм ворага за дзень. На сёння гэта рэкорд за тры гады вайны. Эксперты гавораць, што за сакавік былі знішчаныя 1644 адзінкі артылерыі УС РФ, што ўтрая больш у параўнанні з 2022 годам, паведамляе Forbes.
Эксперты гавораць, што звесткі Генштаба складана пацвердзіць. Аднак спадарожнікавыя здымкі гавораць аб тым, што Крэмль актыўна спусташае свае склады з савецкай зброяй. Больш за тое, у Маскве звярнуліся па дапамогу да КНДР, каб тая паставіла сваю артылерыю калібру 170 мм. Таксама варта звярнуць увагу і на той факт, што РФ пераключылася з артылерыі на планаваныя авіябомбы, якія актыўна ўжывае на лініі фронту.
Да 2022 года артылерыю выяўлялі на полі бою з дапамогай контрбатарэйных радараў. Яркі таму прыклад - расейская сістэма «Заапарк», здольная адсачыць гаўбіцы на адлегласці звыш 22 км.
Аднак ёсць два мінусы: такія радары вельмі дарагія і іх мала. З 2022 года галоўным ворагам артылерыі сталі не набоі, а дроны. Абодва бакі канфлікту больш спадзяюцца не на радары, а на дроны, якія і павінны выявіць артылерыю.
Таксама абодва бакі звярнуліся да прыёмаў Першай сусветнай вайны - акустычнай лакацыі. На вялікай адлегласці размяшчаюцца мікрафоны, якія дазваляюць адсачыць месцазнаходжання артылерыі з дакладнасцю да 10 метраў. Гэта вельмі танны метад і незаўважны для вачэй супраціўніка.
Яшчэ ў лютым Кіеў прэзентаваў новую акустычную сістэму для выведкі Vidar, якая ўключае пяць мікрафонаў і кампутар. Прынцып працы такі: як толькі вораг робіць стрэл з артылерыі, радар яе адсочвае.
Пасля гэтага цэль атакуюць як дроны, так і артылерыя. Як вынік, варожая артылерыя знішчаецца, не паспеўшы пакінуць поле бою.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
