У Беларусі ўводзяць падатковую навацыю

У чым яно палягае і каго тычыцца?

“Дэпутаты” “парламента” 2 красавіка ў двух чытаннях зацвердзілі падатковыя новаўвядзенні, якія тычацца індывідуальных прадпрымальнікаў. Пра гэта паведамляецца ў тэлеграм-канале "палаты прадстаўнікоў", паведамляе "Зеркало".

Нагадаем, у Беларусі для індывідуальных прадпрымальнікаў хочуць увесці змену. Яе сутнасць - устанавіць трохгадовы перыяд, на працягу якога ІП не змогуць працаваць, калі іх гадавы даход перавысіць 500 тысяч рублёў. Цяпер гэта бестэрміновае абмежаванне: пераадолеў гэтую планку - не маеш права працаваць як ІП, варыянты - закрыцца або перайсці ў юрыдычную асобу.

2 красавіка дэпутаты парламента ў двух чытаннях зацвердзілі гэтую падатковую навацыю.

“Паводле інфармацыі Міністэрства падаткаў і збораў, у 1664 індывідуальных прадпрымальнікаў па краіне такі агульны гадавы даход перавышаны, - паведаміла “дэпутатка” Наталля Куляшова. - Згодна з дзейным заканадаўствам, яны павінны былі ўзбуйніць свой бізнэс - перарэгістравацца ў юрыдычны. Або спыніць сваё існаванне. Большасць з іх перарэгістраваліся ў юрыдычныя асобы, але для 660 індывідуальных прадпрымальнікаў яшчэ існуе нявызначанасць”.

Далей дакумент пойдзе на разгляд у "савет рэспублікі", а затым (калі яго зацвердзяць) - на стол Аляксандру Лукашэнку.

Нагадаем, тым часам у Беларусі працягвае скарачацца колькасць індывідуальных прадпрымальнікаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]