Крэдытны «хапун» у Беларусі набірае абароты

Беларусы вінаватыя банкам амаль 27 млрд рублёў.

За год запазычанасць у спажывецкіх крэдытах вырасла ўдвая, за крэдыты на нерухомасць - на 36%. Зрэшты, хаця тэмпы выдзялення грошай беларусам застаюцца высокімі, крытычнымі гэтыя паказчыкі назваць нельга, сказала «Белсату» эканамістка Настасся Лузгіна.

Нацбанк падлічыў, што агульная крэдытная запазычанасць фізічных асоб перавысіла 26,7 млрд рублёў, рост у параўнанні з леташнім сакавіком - 27,6%.

Больш актыўна беларусы бралі грошы на спажывецкія тавары, чым на нерухомасць. Запазычанасць у частцы спажывецкіх крэдытаў павялічылася ўдвая, а ў частцы нерухомасці - на 36%.

«Банкі працягваюць актыўна крэдытаваць насельніцтва, асабліва на спажывецкія патрэбы», - канстатавала ў каментары «Белсату» эканамістка даследчага цэнтра BEROC Настасся Лузгіна.

«Што беларускія ўлады хвалюе, дык гэта менавіта актыўны рост спажывецкіх крэдытаў. Мы бачым, што з пачатку года ідзе рост прыкладна ў тых жа аб'ёмах, што і летась. Запазычанасць у спажывецкіх крэдытах з леташняга студзеня вырасла больш як удвая. Гэта вельмі высокі паказчык».

Праўда, асобна ў студзені і лютым беларусы набралі менш пазык у параўнанні са снежнем, але калі параўноўваць з пачаткам мінулага года, то рост заўважны. Напрыклад, у лютым фізічныя асобы аформілі спажывецкіх крэдытаў на 49% больш за год да года, а на нерухомасць - удвая больш.

Беларусы назапашваюць запазычанасць перад банкамі, нягледзячы на рост адсоткавых ставак у новых крэдытах, няхай і неістотны.

«Рост заробкаў пашырае магчымасці, каб узяць крэдыт на вялікую суму, і стаўкі застаюцца прымальнымі. Людзі працягваюць браць крэдыты», - кажа Лузгіна.

Яна адзначыла, што крокі Нацбанка для ўзмацнення жорсткасці грашовай палітыкі вельмі і вельмі асцярожныя, а нядаўна рэгулятар не стаў падвышаць так званыя велічыні стандартнай рызыкі, ад якіх залежаць крэдытныя стаўкі. У красавіку паказчык застанецца такім жа, як і ў сакавіку.

Пры гэтым пратэрмінаваная запазычанасць фізічных асоб застаецца вельмі нізкай, крыху больш за 44 млн рублёў, падкрэсліла суразмоўніца «Белсата»:

«Беларусы - свядомыя і адказныя. Летась пратэрмінаваная запазычанасць складала 0,16% ад агульнай запазычанасці, цяпер - 0,17%. Гэта вельмі мала, таму можна казаць, што насельніцтва вельмі адказна ставіцца да крэдытаў і імкнецца своечасова іх вяртаць. Дарэчы, у нас заўжды так было. Людзі не хочуць псаваць сваю крэдытную гісторыю».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]