Індыя заявіла аб знікненні свайго грамадзяніна ў Беларусі
3- 2.04.2025, 16:15
- 3,400
Распачатая крымінальная справа.
Як паведамляе The Indian Express, 26-гадовы індыец Дыпак Кумар са штата Пенджаб знік летам мінулага года. Ягоны бацька Віджай Кумар распавёў, што сын праз агентаў спрабаваў патрапіць у Еўразвяз. Меркаваным канчатковым пунктам маршруту была Партугалія, прамежкавым - Нідэрланды.
За паслугі і нідэрландскую шэнгенскую візу, са слоў бацькі, агенты ўзялі 1,15 млн рупій (прыкладна 13,4 тысячы даляраў). 24 чэрвеня 2024 года Кумар вылецеў у Расею праз Дубай, адкуль яму абяцалі наўпроставы пералёт у Нідэрланды, але замест гэтага адправілі ў Беларусь. Пры гэтым, са слоў бацькі зніклага, прадстаўнікі агента адабралі ў сына пашпарт і 1,5 тысячы даляраў.
Агент паведаміў, што Кумара затрымалі на мяжы і мусяць дэпартаваць. Бацька зніклага звярнуўся ў мясцовую паліцыю. Справа пакуль расследуецца.
Тым часам у Беларусі ўсё часцей сталі фіксавацца злачынствы, звязаныя з перамяшчэннем мігрантаў. Так, 28 сакавіка сталічная пракуратура паведаміла, што накіравала ў Менскі гарадскі суд крымінальную справу аб выкраданні двух грамадзян Індыі і вымагальніцтве, нагадвае «Позірк».
Абвінавачанні былі выстаўленыя 31-гадоваму замежнаму грамадзяніну. Згодна з матэрыяламі справы, абвінавачаны ў жніўні 2024 года, «дзейнічаючы групай асоб, выкраў двух чалавек і з ужываннем да іх гвалту вымагаў у іх сваякоў грашовыя сродкі».
А ў студзені гэтага года паліцыя індыйскага штата Хар'яна распачала крымінальную справу ў дачыненні да турыстычнай кампаніі з Пацьялы (штат Пенджаб) у сувязі са зваротам сваякоў Маджыда Ахмада, якому згаданай турфірмай было абяцана садзейнічанне ў ажыццяўленні міграцыі ў Нямеччыну праз Расею і Беларусь.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
