З моманту заявы Пуціна пра «перамір'е» і да поўначы расейцы здзейснілі 387 абстрэлаў і 19 штурмаў

Сырскі даклаў Зяленскаму пра рэальную сітуацыю на фронце.

На стан раніцы нядзелі, 20 красавіка, на фронце ўжо адбылося 59 расейскіх абстрэлаў і пяць штурмавых дзеянняў расейскіх падраздзяленняў.

Пра гэта гаворыцца ў дакладзе галоўнага камандзіра УСУ Аляксандра Сырскага, паведамляе прэзідэнт Украіны Уладзімір Зяленскі.

Сярод іншага, у АТГ Старабельск зафіксаванае адно баявое сутыкненне, у АДГ «Данецк» – тры баявыя сутыкненні на Пакроўскім кірунку і Навапаўлаўскім кірунку, на Запарожскім кірунку – адно ў раёне Стэпавага.

Таксама расейскія акупанты актыўна выкарыстоўваюць FPV-дроны, удакладніў Сырскі.

На Курскім кірунку таксама былі артылерыйскія ўдары і ўжыванне дронаў з боку РФ.

«Нашыя ваяры паўсюль адказваюць так, як вораг гэтага заслугоўвае ў пэўных баявых абставінах. Украіна будзе дзейнічаць і далей люстрана», – заявіў Зяленскі.

У перыяд паміж 18-й учорашніх сутак і 00.00 20 красавіка адбылося 387 абстрэлаў і 19 штурмавых дзеянняў з боку расейцаў. Пры гэтым 290 разоў яны ўжывалі беспілотнікаў.

«У цэлым раніцай Вялікадня можам сцвярджаць, што расейскае войска спрабуе стварыць агульнае ўражанне спынення агню, але часам не пакідае асобных спробаў прасоўвацца і наносіць страты Украіне», – дадаў Зяленскі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]