Прэм'ер Канады перад выбарамі паабяцаў мільярды на абарону ад Трампа

Сталі вядомыя падрабязнасці новай абароннай праграмы.

Прэм'ер-міністр Канады і лідар Ліберальнай партыі Марк Кэрні ў сваім перадвыбарным плане зрабіў акцэнт на новых ваенных выдатках і падтрымцы Канады супраць экспансіянісцкай візіі амерыканскага прэзідэнта Дональда Трампа.

Пра гэта піша Politico.

Кэрні заявіў, што цяпер Канада павінна «падрыхтавацца да пагрозаў з боку Амерыкі самому нашаму суверэнітэту».

«Прэзідэнт Трамп спрабуе зламаць нас, каб Амерыка магла валодаць намі, але гэтага ніколі не адбудзецца. Канада – не Амерыка, і ніколі ёю не будзе, але мы павінны зрабіць больш, чым проста прызнаць гэта, як справіцца з гэтай новай рэальнасцю», – акцэнтаваў прэм'ер краіны.

Кэрні паабяцаў, што ў выпадку перамогі Ліберальнай партыі ягоны ўрад выдаткуе 30,9 млрд канадскіх даляраў на абарону цягам наступных чатырох гадоў і дасягне мэтавага паказніка абаронных выдаткаў Канады ў NATO на ўзроўні 2% ВУП да 2030 года – на два гады раней за цяперашнія абяцанні.

Значная частка новых выдаткаў будзе накіраваная на ўмацаванне канадскай Поўначы, каб стрымаць уплыў Кітая, які спрабуе прабрацца на тэрыторыю карэнных народаў у Арктыцы.

Палова выдаткаў пойдзе на новую ваенную тэхніку і ўзбраенне для канадскіх узброеных сілаў, напрыклад падводныя лодкі і ледаколы для маніторынгу і абароны берагавых ліній, у тым ліку ў Арктыцы, ад расейскай і кітайскай агрэсіі. Гэта ўключае ў сябе новыя беспілотнікі для мораў і неба.

Лібералы заявілі, што іх платформа закліканая абараніць суверэнітэт і культуру Канады ад Злучаных Штатаў і «неапраўданай гандлёвай вайны» Трампа, якую Карні назваў спробай аслабіць Канаду.

«Неапраўданая і безразважная гандлёвая вайна Амерыкі пагражае канадскім працоўным месцам, бізнэсу і нашаму ладу жыцця. Перад абліччам гэтай пагрозы ў нас ёсць план пабудовы самай моцнай эканомікі ў G7», – сказаў Кэрні.

План таксама факусуюць на ліквідацыі гандлёвых бар'ераў паміж правінцыямі Канады, каб дапамагчы кампенсаваць тарыфы Трампа, на падтрымцы сельскагаспадарчаму сектару, які трапіў у эпіцэнтр гандлёвай вайны з ЗША і Кітаем, а таксама на пашырэнні ланцужка паставак аўтамабільнага сектара ў Антарыё.

Партыя таксама хоча пабудаваць новыя гандлёвыя стасункі з Еўропай і Азіяй.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]