У 17-гадовым менскім доме амаль за $2 мільёны даляраў прадаюць кватэру, у якой «ніхто не жыў»

Сам 16-павярховы дом называецца «домам бізнэс-класу».

Аб'ява пра продаж пяціпакаёвай кватэры плошчай 334 квадратныя метры з'явілася на Realt.by 14 красавіка. Хоць жыллё размешчанае ў доме па Ціміразева, 4, пабудаваным у 2008 годзе (побач з метро «Маладзёвая» і гіпермаркетам «Карона»), аўтар аб'явы сцвярджае, што ў кватэры раней ніхто не жыў.

Сам 16-павярховы дом на скрыжаванні вуліцы Ціміразева і праспекта Машэрава ў аб'яве называецца «домам бізнэс-класу» з павышаным узроўнем бяспекі, відэаназіраннем і выдатнай сістэмай вентыляцыі.

Двухузроўневая «VIP кватэра» на 11 паверсе, якая прадаецца, мае жылую плошчу 203,9 метра.

На першым узроўні размешчаная кухня плошчай з невялікую аднапакаёвую кватэру (35,6 метра), гасцёўня з камінам і спальня. На другім – яшчэ тры спальні (адна з іх з асобным санвузлом і гардэробнымі – яе аўтар аб'явы называе «майстар-спальняй».

На стан 20 красавіка за кватэру просяць 5 823 846 рублёў (1 890 000 даляраў). Сцвярджаецца, што рамонт у кватэры выкананы паводле дызайнерскага праекту, усе элементы прадстаўленыя ў індывідуальным выкананні і выкананыя паводле аўтарскіх эскізаў, а ўся мэбля прывезеная з Італіі.

Інтэр'ер пры гэтым выкананы «з мастацкім густам і вытанчанасцю» (наколькі гэтыя словы адпавядаюць рэчаіснасці, можна меркаваць з прыкладзеных да аб'явы фатаграфіяў).

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]