У Беларусі ўслед за Балтыкай пачаўся сезон навальніц

Дзе дажджы не астудзяць спякоту +28°C?

Беларускія метэаролагі папярэдзілі, што з нядзелі, 20 красавіка, да аўторка, 22 красавіка, у краіне чакаюцца навальніцы, піша «Телеграф».

Што будзе з тэмпературай і дзе тыя месцы, у якіх паветра прагрэецца да +28°C?

Паводле ТГ-канала «Метеовайб», у краінах Балтыі сезон навальніц пачаўся «з размахам». Над Латвіяй зафіксавалі амаль 9000 удараў маланак, а ва ўсіх краінах Балтыі іх было блізу 24 000.

Вось і ў Беларусі ў найбліжэйшыя тры дні варта чакаць як кароткачасовыя дажджы, так і самыя сапраўдныя навальніцы. Ва ўсякім разе, Белгідрамет папярэдзіў, што ўжо з нядзелі недзе яны пройдуць. Праўда, дакладныя месцы не назваў. Тэмпературу ж паабяцаў уначы +7..+13°С, а ўдзень +20..+26°С.

Дарэчы, эксперты «Метеавайба» асцярожна намякнулі, што навальніцы могуць прайсці ў самым цэнтры Беларусі ў нядзелю. «Цэнтр краіны як ніколі блізкі да таго, каб пачуць першы гром і ўбачыць навальніцы. Але максімальнае канвектыўнае развіццё фронт атрымае на поўначы Беларусі», - паведаміў метэаралагічны Тг-канал.

У панядзелак, 21 красавіка, у беларускай дзяржслужбе прагнозаў папярэдзілі аб уплыве атмасферных франтоў, якія «ссоўваюцца з Заходняй Еўропы». А гэта значыць, што ўдзень можа быць воблачна з прасвятленнямі. І зноў у некаторых месцах дажджы і навальніцы. Тут Белгідрамет быў куды больш канкрэтны і выпісаў «жоўтае» папярэджанне на дзённы час «у асобных раёнах на поўначы краіны». Тэмпература ж абяцаная +8..+13°С уначы і ад +19°С удзень на поўначы да +27°С на поўдні Беларусі.

Вось і ў аўторак, 22 красавіка, над краінай будзе «цёплая няўстойлівая паветраная маса». Што зноў азначае воблачнае неба з прасвятленнямі.

«Уначы месцамі на поўначы, удзень у асобных раёнах краіны чакаюцца кароткачасовыя дажджы, навальніцы. Уначы і раніцай месцамі слабы туман», - паведамілі ў Белгідрамеце. Уначы тэмпература знізіцца да +6..+13°С, а ўдзень паветра зноў прагрэецца да +21..+28°С, на поўначы Беларусі будзе не вышэй за +19..+20°С.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]