Крэмль будзе прадаваць Кітаю газ амаль за паўкошту

Кошт газу "Газпрома" для КНР знізіцца да $247,3.

Урад РФ запланаваў зніжэнне цаны на расейскі газ для Кітая.

У 2024 годзе пастаўкі "Газпрома" па запушчаным у 2019 годзе трубаправодзе Сіла Сібіры абыходзіліся КНР у $267,6 за тысячу кубаметраў. Кошт быў на 30% ніжэйшы за той, што плацілі кліенты ў Еўропе і Турцыі ($376,9 за тысячу кубоў), паведамляе The Moscow Times.

У 2025 годзе цана газу "Газпрома" для Кітая знізіцца да $247,3, а для еўрапейскіх і турэцкіх пакупнікоў, наадварот, вырасце да $403 за тысячу кубаметраў. Зніжка, такім чынам, дасягне 39% і перавысіць $150 за тысячу кубаметраў.

На 2026 год урад РФ плануе яшчэ нязначнае зніжэнне цаны газу для КНР - да $ 241,8 за тысячу кубоў.

У 2024 годзе "Газпром" прапампаваў у Кітай 31 млрд. кубаметраў газу, а ў 2025-м вывеў Сілу Сібіры на праектную магутнасць - 38 млрд. кубаметраў за год. Гэта кампенсуе газавай манаполіі толькі менш за 20% ад даваеннага экспарту ў Еўразвяз, які на піку даходзіў да 200 млрд. кубаметраў.

З тых часоў пастаўкі "Газпрома" на некалі найбуйнейшы рынак збыту скараціліся амаль у сем разоў, да мінімуму з другой паловы 1970-х гадоў: 28 млрд. кубаметраў у 2023 годзе і 32 млрд. кубоў - у 2024-м.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]