Кіраўнік Пентагона расказаў пра змяненне ўнёску ЗША ў бяспеку Еўропы

Піт Хегсет заявіў, што Еўропа павінна ўзяць на сябе ваенную адказнасць і стаць лідаркай.

ЗША больш не могуць заставацца адзіным гарантам бяспекі еўрапейскіх краінаў, заявіў кіраўнік Пентагона Піт Хегсет, выступаючы ў Каледжы Сухапутных войскаў ЗША ў штаце Пенсільванія.

«Той час, калі ЗША былі адзіным гарантам еўрапейскай бяспекі, мінуў. Еўропа павінна нарасціць ваенныя намаганні і ўзяць на сябе гэтую ролю», – сказаў Хегсет. Трансляцыю ягонага выступу вяло агенцтва Associated Press.

Разам з тым амерыканскі міністр адзначыў, што з ростам унёску еўрапейскіх краінаў у арганізацыю ўласнай бяспекі ў Вашынгтона з'явяцца дадатковыя магчымасці, каб сфакусавацца на іншых пытаннях – перш за ўсё на супрацьдзеянні кітайскаму ўплыву ў Азіі. «Пасланне прэзідэнта Трампа свету цягам 100 дзён ягонага другога прэзідэнцкага тэрміну застаецца вельмі выразным: Амерыка зноў у справе», – дадаў кіраўнік Пентагона.

Дональд Трамп неаднаразова крытыкаваў краіны Еўропы, якія ўваходзяць у NATO, за недастатковасць выдаткаў на абарону. Ён таксама гаварыў, што Еўразвяз быў створаны для таго, «каб абдзіраць» Злучаныя Штаты.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]