Ва Украіне пяройдуць на еўрапейскі стандарт напругі ў электрасетцы

З 1 ліпеня.

Ва Украіне з 1 ліпеня будзе дзейнічаць новы стандарт напругі ў электрасетцы: замест 220 В ён будзе складаць 230 В, як у Еўропе. Адпаведную пастанову выпусціла Нацыянальная камісія дзяржрэгулявання ў сферах энэргетыкі і камунальных паслуг (НКРЭКУ).

«Ва Украіне пачнуць дзейнічаць еўрапейскія падыходы да вызначэння параметраў якасці электразабеспячэння, сярод іншага – пераход на намінальную напругу 230/400 В. Адно з ключавых новаўвядзенняў – устанаўленне дакладных межаў дапушчальнага адхілення напружання: ад 207 да 253 У (±10% ад намінальнага значэння 230 В)», – сказана ў паведамленні камісіі.

З 1 сакавіка ва Украіне пачаў дзеянне новы стандарт узроўню напружання EN 50160:2023, гарманізаваны з еўрапейскім EN 50160.

У камісіі ўказалі, што стабільнасць напружання дасць магчымасць знізіць рызыкі паломкі электрапрыбораў, адчувальных да скачкоў, зменшыць патрэбу ў сродках абароны, напрыклад стабілізатарах, а таксама павысіць энэргаэфектыўнасць.

Кіраўнік Мінэнэрга Украіны Герман Галушчанка заявіў, што краіна працуе над пабудовай дэцэнтралізаванай энэргасістэмы – гэта значыць такой, дзе сеткі могуць працаваць як аўтаномна, так і ў складзе аб'яднанай энэргасістэмы.

Паводле ягоных словаў, ва Украіне зацверджаныя пашпарты энэргетычнай устойлівасці рэгіёнаў, што дазваляе кожнай вобласці разумець, якая ёй патрэбная генерацыя і дзе размешчаныя пляцоўкі для падключэння новых аб'ектаў, якія ў тым ліку ўключаюць аднаўляльныя крыніцы энэргіі.

Галушчанка дадаў, што такі падыход дазваляе гарантаваць бяспеку паставак на фоне нападаў РФ.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]