Індыя і Пакістан знаходзяцца на мяжы вайны

Абедзве краіны маюць у сваім арсенале ядзерную зброю.

Індыя і Пакістан знаходзяцца на мяжы новай вайны, а абедзве краіны закрылі сваю паветраную прастору. Не выключана, што ў найбліжэйшыя дні Індыя скасуе пагадненне аб спыненні агню з Пакістанам. Нагадаем, што абедзве краіны маюць у сваім арсенале ядзерную зброю.

Прычына новага канфлікту паміж краінамі - забойства турыстаў у рэгіёне Кашмір баевікамі з групы «Фронт супраціву», паведамляе рэсурс Defence Express.

Пакістан ужо прыстрашыў Індыю вайной, бо яшчэ адной прычынай стаў закрыты доступ да вады. У Нью-Дэлі абвінавацілі Ісламабад у падтрымцы баевікоў, якія і забілі турыстаў.

Праз час Індыя абвясціла аб закрыцці пагранічнага пераходу, анулявала ўсе раней выдадзеныя візы і дала Пакістану 48 гадзін, каб Індыю пакінулі яе грамадзяне.

Таксама было заяўлена аб выхадзе Індыі з «Дамовы аб водах Інда» ад 1960 года. Паводле дамовы водныя рэсурсы, якія бяруць пачатак у Кашміры, былі падзеленыя паміж Індыяй і Пакістанам у суадносінах 50 на 50.

Рака Інд з'яўляецца галоўнай крыніцай вады для арашэння тэрыторыі 12 млн гектар. У Нью-Дэлі запэўніваюць, што ў Пакістана ў наяўнасці нашмат больш воды, чым у Індыі, у суадносінах 80% да 20%, менавіта таму Індыя заблакавала ўсе чатыры шлюзы, якія кантралююць плынь вады ў бок Пакістана.

У Ісламабадзе закрылі паветраную прастору для індыйскіх самалётаў і забаранілі гандаль з Нью-Дэлі нават праз трэція краіны.

У Пакістане заявілі, што спыненне вады або яе адвод будзе ўспрыняты як «акт вайны» з боку Індыі. Таксама анансаванае прыпыненне дзеяння Шымлійскай дамовы, якая ўрэгулявала вынікі вайны ад 1971 года.

Доўгі час Кашмір з'яўляецца спрэчнай тэрыторыяй паміж Індыяй і Пакістанам. На сёння гэты рэгіён падзелены паміж трыма краінамі, у тым ліку і Кітаем.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]