Дональд Туск у Гнезна абвясціў «Новую дактрыну Пястаў»
1- 26.04.2025, 12:43
- 4,276
Польшча выбірае моц, развіццё і заходнюю цывілізацыю.
Моцнае войска, канкурэнтная эканоміка і моцная пазіцыя краіны ў Еўропе - гэта тры слупы новай стратэгіі, абвешчанай прэм'ерам Польшчы на ўрачыстай сесіі з нагоды тысячагоддзя каранацыі першых польскіх каралёў, паведамляе «Польскае радыё».
25 красавіка ў горадзе Гнезне - гэта Вялікапольскае ваяводства, месца каранацыі да XIV стагоддзя польскіх каралёў, былая сталіца Каралеўства Польскага - адбылося ўрачыстае пасяджэнне дэпутатаў Сейма і Сената Польшчы з нагоды тысячагоддзя каранацыі двух першых каралёў Польшчы - Баляслава Храбрага і Мешко II Ламберта.
Гэта падзея тысячу гадоў таму скончыла пачаты Мешко I, польскім князем з дынастыі Пястаў, працэс стварэння польскай дзяржавы і забяспечыла яму месца сярод хрысціянскіх манархій Еўропы.
Падчас выступу на ўрачыстым мерапрыемстве ў Гнезна прэм'ер-міністр Польшчы Дональд Туск падкрэсліў, што пастанова Баляслава Храбрага аб шляху ў бок Захаду запатрабавала незвычайнага ўяўлення, адсутнасці комплексаў, мужнасці і здаровага сэнсу. Гэтыя пастановы сфармавалі Польшчу і застаюцца ў дзеянні дагэтуль.
«Тады не было проста пралічанай выгады. Не было еўрапейскіх фондаў. Была суполка пэўных каштоўнасцяў, але як мала іх тады падзяляла. Была інтуіцыя, што ёсць нейкія агульныя прынцыпы, што мы ўпісваемся ў гэтую вялікую грэцкую, рымскую традыцыю. Але таксама было вядома, адтуль часам ідзе рэальная вайсковая і палітычная пагроза», - адзначыў кіраўнік польскага ўрада.
Дональд Туск таксама сказаў, што варта абвясціць новую нацыянальную дактрыну - дактрыну Пястаў, заснаваную на сіле, а не толькі на марах і імкненнях.
Новая дактрына Пястаў складаецца з трох слупоў. Першы - гэта інвестыцыі ва ўзбраенне і войска. Дональд Туск запэўніў, што польскае войска будзе наймацнейшым у Еўропе і зможа адбіць кожную пагрозу. Прэм'ер-міністр анансаваў, што для гэтага будзе выкарыстоўвацца досвед вайны ва Украіне.
Другі слуп - Польшча з самай моцнай эканомікай у рэгіёне. Прэм'ер-міністр адзначыў, што краіне няшмат трэба, каб дагнаць самых моцных, а праз некалькі гадоў яна дагоніць Нямеччыну і Японію.
Трэці слуп Новай дактрыны Пястаў - гэта моцная пазіцыя Польшчы ў рэгіёне і Еўропе. Дональд Туск падкрэсліў, што Баляслаў Храбры з самага пачатку далучыў Польшчу да заходняй цывілізацыі. Прэм'ер дадаў, што сёння палякі таксама робяць выбар паміж Усходам і Захадам.
Са слоў Туска, калі чуваць галасы наракання аб тым, што палякі павінны плаціць нейкую цану за прыналежнасць да супольнасці Захаду, за ўдзел у ЕЗ, трэба ўявіць, колькі самаадрачэння, колькі ахвярнасці павінны былі праявіць тыя, хто тысячу гадоў таму прыняў такую пастанову.
Кіраўнік урада адзначыў, што першы кароль Баляслаў Храбры пакінуў пасля сябе слова «Польшча»: «Гэтае слова, для ўсіх нас, мае першараднае значэнне».
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
