На мяжы растуць чэргі на ўезд у Польшчу
2- 26.04.2025, 13:59
- 2,838
Выезд аўтобусаў назад у Беларусь моцна затрымліваецца.
На выездзе з Беларусі ў Польшчу апоўдні 26 красавіка назапасілася 1760 легкавушак і дзясяткі аўтобусаў, чэргі ёсць і на літоўскім кірунку, паводле звестак маніторынгу Дзяржпагранкамітэта. Тым часам выезд аўтобусаў з суседніх краін у Беларусь моцна затрымліваецца.
На 12.00 25 красавіка ўезду ў Польшчу ў пункце пропуску «Брэст» чакалі 1760 легкавушак і 65 аўтобусаў. З паловы ночы чарга прыкметна вырасла.
На літоўскім кірунку ў «Беняконях» стаяць 30 аўтамабіляў, у «Каменным Логу» — 50. Чарга з аўтобусаў не назіраецца.
Як паведамляе сайт польскай Пагранслужбы, у зваротным кірунку, на ўездзе ў Беларусь, легкавушкі і аўтобусы праводзяць у «калейцы» прыкладна гадзіну.
Між тым «Менсктранс» паведамляе, што некаторыя аўтобусы з Польшчы і Літвы адпраўляюцца ў Беларусь са значным спазненнем.
Так, аўтобус Варшава - Менск (АН8303-7) выехаў са спазненнем на 5 гадзін: замест 7 раніцы адправіўся а 12. Аўтобус Вільня - Менск (АН8590-7) таксама затрымаўся: з літоўскай мяжы ён выехаў толькі а 10.16, хаця павінен быў а 8. Прычына ў абодвух выпадках - доўгае афармленне.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
