ЦРУ пацвердзіла гібель сына намеснік дырэктара ведамства на вайне ва Украіне
- 26.04.2025, 18:32
- 5,264
Майкл Глос ваяваў на баку РФ.
ЦРУ пацвердзіла гібель 21-гадовага Майкла Глоса — сына Джуліян Галіны, намесніка дырэктара ўпраўлення ў лічбавых інавацыях. Пра гэта паведамляе NBC News са спасылкай на прадстаўніка ЦРУ.
З яго слоў, сям'я Глос перажыла "няўяўную асабістую трагедыю вясной 2024 года, калі іх сын, які змагаўся з ментальнымі праблемамі, загінуў падчас удзелу ў канфлікце на тэрыторыі Украіны". Пры гэтым у заяве не ўдакладняецца, на чыім баку змагаўся Глос.
25 красавіка выданне "Важныя гісторыі" напісала, што Майкл Глос падпісаў кантракт з Міністэрствам абароны Расеі ў 2023 годзе і пасля апынуўся на фронце ў складзе расейскіх ПДВ. Паводле звестак журналістаў, ён самастойна звярнуўся ў ваенкамат у Маскве.
У 2024 годзе, калі Глос ужо ваяваў ва Украіне, Джуліян Галіна атрымала прызначэнне на пасаду намесніка дырэктара ЦРУ.
У сацыяльных сетках Майкл публікаваў фатаграфіі з Краснай плошчы ў Маскве, выказваў падтрымку расейскім дзеянням ва Украіне і крытыкаваў "заходнюю прапаганду". На вокладцы яго старонкі ва «УКантакце» стаіць выява жаўнераў Савецкай арміі.
Сям'я Глоса ў некралогу, апублікаваным летась, паведамляла, што ён загінуў «падчас вандроўкі па Усходняй Еўропе», не згадваючы вайну і Расею. У некралогу падкрэсліваецца, што Майкл пражыў "яркае, але кароткае жыццё", а таксама што з ранняга ўзросту ён імкнуўся змагацца з несправядлівасцю.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
