«Пуцін водзіць цябе за нос»: уплывовы рэспубліканец Кангрэса папярэдзіў Трампа

У Рэспубліканскай партыі нарастае незадаволенасць палітыкай прэзідэнта ЗША.

Адзін з самых актыўных і ўплывовых рэспубліканцаў у Кангрэсе прадстаўнік Аёвы Чак Граслі раскрытыкаваў палітыку прэзідэнта Дональда Трампа ў дачыненні да РФ.

Ён папярэдзіў, што дыктатар Уладзіміра Пуцін «водзіць за нос» Белы дом.

Аб гэтым паведаміла выданне Politico.

Граслі заклікаў Трампа больш жорстка рэагаваць на спробы Крамля зацягнуць перамовы пра мір і яго ўпартае нежаданне спыняць жорсткія ўдары па Украіне.

Пасля чарговага ўдару РФ па Кіеве Граслі напісаў на сваёй старонцы ў сацсетцы Х: «Я пабачыў ужо дастаткова забойстваў нявінных украінскіх жанчын і дзяцей».

Ён дадаў, што Пуцін «водзіць за нос» Амерыку, і заклікаў лідара ЗША ўзмацніць санкцыі супраць Расеі.

Трамп, які знаходзіцца ва ўладзе ў ЗША ўжо амаль 100 дзён, імкнецца падпісаць мірнае пагадненне паміж Украінай і РФ.

Нягледзячы на тое, што ён прапануе Крамлю максімальна выгадныя ўмовы, улады РФ не ідуць яму насустрач, аддаючы перавагу зацягванню перамоў.

Больш за тое, на фоне кансультацый аб міры РФ узмацніла свае жорсткія абстрэлы мірнай інфраструктуры Украіны, атакуючы шматкватэрныя дамы, дзіцячыя пляцоўкі, рэстарацыі.

Трамп, са свайго боку, працягвае сцвярджаць, што мір настане ўжо вельмі хутка. З яго слоў, праца над мірным пагадненнем «ідзе гладка».

Аднак, адзначае Politico, Трамп аддае перавагу нашмат больш ціснуць на Украіну і яе лідара Уладзіміра Зяленскага, а не на агрэсара - Расею.

За невялікі час ва ўладзе ён ужо прымудрыўся абвінаваціць Украіну ў вайне, раскрытыкаваць за нежаданне аддаваць РФ свае тэрыторыі, выставіць вялізны рахунак за пастаўленую бясплатна вайсковую дапамогу, назваць кіраўніка Украіны «дыктатарам».

У дачыненні да РФ і Пуціна ён сабе такой рыторыкі не дазваляе, наадварот, падкрэслівае ўвесь час сяброўскія стасункі з краінай-агрэсаркай.

У Рэспубліканскай партыі расце незадаволенасць такой палітыкай Трампа, якая, мяркуючы з усяго, вядзе не да спынення вайны, а да ўзмацнення Расеі і яе агрэсіі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]