Захарава патрапіла ў новы скандал у сувязі з прызнаннем удзелу жаўнераў КНДР у вайне супраць Украіны

Прадстаўніца МЗС РФ спаслалася на «дамову паміж краінамі».

Паўночнакарэйскія жаўнеры ўдзельнічалі ў баявых дзеяннях у Курскай вобласці паводле чацвёртага артыкула дамовы «Аб усёабдымным стратэгічным партнёрстве» паміж РФ і і КНДР, заявіла афіцыйная прадстаўніца МЗС РФ Марыя Захарава, піша УНИАН.

«Салідарнасць, праяўленая нашымі карэйскімі сябрамі, з'яўляецца праявай высокага, фактычна хаўрусніцкага ўзроўню нашых стасункаў», - адзначыла яна ў каментары «Комсомольской правде».

Акрамя таго, Захарава выказала ўпэўненасць у тым, што сувязі паміж іх краінамі ў далейшым толькі ўмацуюцца і будуць развівацца «ў адпаведнасці з дамоўленасцямі». Неўзабаве нават пачалі з'яўляцца здымкі акупантаў з паўночнакарэйскімі вайскоўцамі. На адным з такіх іх можна ўбачыць з георгіеўскай стужкай («знак расейскай агрэсіі і расейскага свету», забаронены ва Украіне з 15 чэрвеня 2017 года) на касках.

На яшчэ адным апублікаваным у сеціве здымку бачная гутарка паміж расейскімі і вайскоўцамі КНДР з дапамогай перакладчыка. Здымак быў зроблены ў Курскай вобласці, у студзені-лютым 2025 года.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]