«На зямлі ўсё выглядае інакш»: прапагандысты адпрэчылі хлусню Пуціна

Баі ў Курскай вобласці прадаўжаюцца дагэтуль.

Вайсковае камандаванне РФ і дыктатар Уладзімір Пуцін заўчасна абвясцілі аб выцісканні ўкраінскіх сіл з Курскай вобласці. Баі там працягваюцца дагэтуль.

Гэта паведаміў расейскі Z-рэсурс «Северный канал», звязаны з УС РФ, паведамляе Dialog.UA.

Фактычна Z-канал абвінаваціў Пуціна і Мінабароны РФ у хлусні з нагоды Куршчыны.

«На зямлі сітуацыя выглядае інакш. Баі ў раёне Гуева, Горналі і Алешні працягваюцца. Праціўнік надае супраціў, і казаць аб поўным кантролі пакуль рана», - паведаміў «Северный канал».

Ён удакладніў, што праблемы ва УС Расеі і ў Белгародскай вобласці. Там у прыграніччы таксама працягваюцца баі.

«Супраціўнік працягвае сцягваць рэзервы да мяжы, відавочна, рыхтуючыся да новых нападаў», - дадаў Z-канал.

Пуцін заявіў аб поўным «вызваленні» Курскай вобласці ў суботу, 26 красавіка. Генштаб УСУ тут жа зняпраўдзіў гэтую заяву, назваўшы словы расейскага дыктатара «прапагандысцкім вывертам» і спробай «выдаць жаданае за сапраўднае».

OSINT-праект DeepState таксама адзначае на раніцу 27 красавіка прысутнасць украінскіх сіл у прымежжы Курскай вобласці. Паводле яго звестак, УСУ кантралююць амаль 20 кв. км расейскай тэрыторыі, яшчэ прыкладна такія ж па велічыні тэрыторыі з'яўляюцца «шэрай» зонай баявых дзеянняў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]