ШІ захопіць працоўныя месцы

Якія прафесіі будуць пад ударам.

Праз штучны інтэлект працу страцяць прыкладна 300 мільёнаў чалавек. Да такой высновы прыйшлі ў Goldman Sachs, паведамляе Forbes.

Згодна з прагнозам, 25% сусветнага рынку працы будзе аўтаматызавана. У той самы час, як адзначылі эксперты, ШІ менш за ўсё пагражае працаёмкім прафесіям, такім як будаўнікі, мантажнікі і супрацоўнікі ў сферы абслугоўвання.

Паводле прагнозу міністра фінансаў ЗША Скота Бэсэнта, ШІ можа павысіць канкурэнтаздольнасць Амерыкі. Да 2040 штучны інтэлект, хутчэй за ўсё, аўтаматызуе або пераўтворыць 50–60% працоўных месцаў, а поўнае ягонае дамінаванне (80% і вышэй) стане магчымым да 2050, калі будуць уносіцца сталыя інавацыі.

Эксперты мяркуюць, што некаторыя працоўныя месцы спыняць існаванне праз развіццё ШІ. Пад удар трапяць людзі, якія займаюцца ўводам звестак, планаваннем і абслугоўваннем кліентаў. Іх, як адзначаюць эксперты, ужо выцясняюць інструменты ШІ, такія як чат-боты і рабатызаваная аўтаматызацыя працэсаў.

Інстытут даследаванняў дзяржаўнай палітыкі ў 2024 годзе прыйшоў да высновы, што 60 адсоткаў адміністрацыйных задачаў паддаюцца аўтаматызацыі. Лары Фінк, генеральны дырэктар Black Rock, адзначыў, што ягоная кампанія аптымізуе функцыі бэк-офісу з дапамогай ШІ, скарачаючы выдаткі. Гэтыя ролі, якія патрабуюць паўтору апрацоўкі звестак, у найбліжэйшай будучыні састарэюць, паколькі дакладнасць ШІ паляпшаецца.

Таксама адзначана, што штучны інтэлект ужо можа займацца бухгалтарскім улікам, фінансавым мадэляваннем і базавым аналізам звестак, паколькі ШІ можа апрацоўваць лічбы і генераваць справаздачы хутчэй, чым людзі.

Паводле прагнозу Джэймі Даймана, генеральнага дырэктара JPMorgan Chase, да 2030 года 20% аналітычных роляў у банкаўскай сферы будзе пад пагрозай.

Апроч іншага, праца памочніка юрыста, складанне кантрактаў і юрыдычныя даследаванні таксама можа выконвацца такімі прыладамі ШІ, як Harvey і CoCounsel. Яны аўтаматызуюць аналіз дакументаў з дакладнасцю 90 адсоткаў. Макраінвестар і заснавальнік хэдж-фонду Bridgewater Рэй Даліа папярэдзіў, што штучны інтэлект здольны аналізаваць велізарныя наборы звестак, што ставіць пад пагрозу ролі, звязаныя з даследаваннямі, у акадэмічным асяроддзі і кансалтынгу.

Таксама мяркуецца, што да 2035 года могуць быць аўтаматызаваныя 30% працоўных месцаў у сферы СМІ. Паводле прагнозу, кантэнт, створаны ШІ, неўзабаве будзе дамінаваць у рэкламе, хоць чалавечая творчасць у апавяданні і высокім мастацтве захаваецца даўжэй, затрымліваючы поўную аўтаматызацыю.

У сваю чаргу, у справаздачы Сусветнага эканамічнага форуму адзначаецца, што да 2040 года 40% задачаў у сферы праграмавання можна будзе аўтаматызаваць, хоць складаныя інавацыі, такія як прарыўныя даследаванні і распрацоўкі, будуць даўжэй заставацца пад кантролем чалавека.

Таксама ШІ можа нанесці ўдар па медыцынскай сферы. Згодна з вынікамі даследавання Lancet, 25% медыцынскіх адміністрацыйных задачаў могуць знікнуць да 2035 года, аднак догляд пацыентаў будзе патрабаваць чалавечага даверу. У сферы адукацыі, як пішуць журналісты, толькі 10 адсоткаў задачаў будзе аўтаматызавана да 2040 года.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]