Названыя якасці ідэальнага партнёра

Людзі моцна недаацэньваюць значэнне знешнасці.

Псіхолагі апыталі больш за 10 тысячаў чалавек у 43 краінах і склалі глабальны рэйтынг якасцяў ідэальнага спадарожніка жыцця. Рэальныя перавагі аказаліся іншымі, чым людзі прывыклі пра сябе заяўляць.

Псіхолагі правялі маштабнае даследаванне, каб высветліць, якім людзі бачаць ідэальнага партнёра. У праекце пад кіраўніцтвам прафесара Пола Іствіка з Універсітэта Каліфорніі ў Дэвісе ўдзельнічалі больш за 10 тысячаў чалавек з 43 краінаў, піша «Хайтэк».

Удзельнікам прапанавалі назваць рысы, якія яны шануюць у ідэальным спадарожніку, а потым ацаніць паводле тых самых крытэраў сваіх цяперашніх або патэнцыйных партнёраў. Гэта дазволіла супаставіць заяўленыя і рэальныя перавагі.

Даследаванне паказала: людзі моцна недаацэньваюць значэнне знешнасці. Атрыбуты накшталт прывабнасці, сэксуальнасці і прыемнага паху ўвайшлі ў лік найважнейшых рэальных пераваг, хоць у анкетах іх назвалі не такімі важнымі. Наадварот, якасці накшталт упэўненасці ў сабе, цярпімасці і ўмення слухаць часцей называлі важнымі, чым рэальна выбіралі ў партнёрах.

Жанчыны асабліва прыніжаюць значэнне знешняй прывабнасці і пераацэньваюць важнасць фінансавай стабільнасці і кар'ерных поспехаў. Мужчыны, наадварот, схільныя недаацэньваць кар'ерныя і матэрыяльныя якасці. Пры гэтым у рэальнасці ўяўленні мужчынаў і жанчынаў пра ідэальных партнёраў шмат у чым супадаюць.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]