Ва Украіне вынеслі другі прысуд Януковічу

Яшчэ 15 гадоў завочна.

Былы прэзідэнт Украіны Віктар Януковіч атрымаў другі прысуд ва ўкраінскім судзе. 15 гадоў зняволення прысудзілі экс-прэзідэнту за падбухторванне да дэзерцірства і арганізацыю незаконнай перапраўкі праз мяжу, паведамляе «Фокус».

Пра гэта паведаміў Офіс генеральнага пракурора Украіны 28 красавіка.

Падольскі раённы суд Кіева прызнаў Януковіча і экс-намесніка начальніка Управы дзяржаўнай аховы Канстанцін Кабзара вінаватымі ва ўчыненні злачынстваў.

Чацвёртаму прэзідэнту Украіны прысудзілі 15 гадоў пазбаўлення волі за арганізацыю незаконнай перапраўкі асоб праз дзяржаўную мяжу Украіны і падбухторванне да дэзерцірства (ч. 2 арт. 332, ч. 4 арт. 27 ч. 2 арт. 408 КК Украіны).

Тым часам Кабзару - 10 гадоў пазбаўлення волі за арганізацыю незаконнай перапраўкі асоб праз дзяржаўную мяжу Украіны і дэзерцірства (ч. 2 арт. 332, ч. 2 арт. 408 КК Украіны).

"Прыняты прысуд стаў чарговым вынікам Офіса Генпракурора ў працэсе прыцягнення да адказнасці былых украінскіх чыноўнікаў, якія садзейнічалі расейскай агрэсіі супраць нашай дзяржавы", - расказалі ў Офісе генеральнага пракурора.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]