Вайсковыя выдаткі ў свеце дасягнулі рэкордных 2,7 трыльёна даляраў
7- 28.04.2025, 11:36
- 1,080
Гэта больш, чым у часы Халоднай вайны.
Сусветныя вайсковыя выдаткі дасягнулі 2,72 трлн. даляраў у 2024 годзе, павялічыўшыся на 9,4% у параўнанні з мінулым годам, піша Reuters. Гэта самы рэзкі гадавы рост з часоў заканчэння Халоднай вайны, паводле звестак Стакгольмскага міжнароднага інстытута даследавання праблем міру (SIPRI).
Больш за 100 краін свету павялічылі свае вайсковыя бюджэты ў 2024 годзе. Экспэрты SIPRI адзначаюць, што ўрады ўсё часцей аддаюць прыярытэт вайсковай бяспецы, часта за кошт іншых бюджэтных сфер, што можа мець значныя эканамічныя і сацыяльныя наступствы для грамадства ў найбліжэйшыя гады.
Вайна ва Украіне і сумневы ў прыхільнасці ЗША альянсу NАТО прывялі да росту вайсковых выдаткаў у Еўропе (уключаючы Расею) на 17%. Еўрапейскія вайсковыя бюджэты перавысілі ўзровень, зафіксаваны на момант заканчэння Халоднай вайны.
Вайсковыя выдаткі Расеі дасягнулі прыкладна 149 млрд даляраў у 2024 годзе, што на 38% больш, чым у 2023 годзе, і ўдвая больш за ўзровень 2015 года. Гэта 7,1 адсотка ВУП Расеі і 19 адсоткаў усіх дзяржаўных выдаткаў.
Агульныя вайсковыя выдаткі Украіны выраслі на 2,9% і дасягнулі 64,7 млрд даляраў, што складае 43% ад расейскіх выдаткаў. Пры гэтым Украіна выдаткоўвае на абарону 34% ВУП - самы высокі паказчык сярод усіх краін у 2024 годзе.
Вайсковыя выдаткі ЗША выраслі на 5,7% і дасягнулі 997 млрд даляраў, што складае 66% ад агульных выдаткаў NАТО і 37% ад сусветных вайсковых выдаткаў мінулага года.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
