У Сірыі з магілы дасталі астанкі бацькі Асада
14- 28.04.2025, 20:02
- 10,784
Хафез Асад стаў кіраўніком Сірыі ў 1971 годзе і займаў гэтую пасаду да сваёй смерці ў 2000-м.
Невядомыя ў камуфляжы дасталі з магілы астанкі бацькі зрынутага дыктатара Сірыі Башара Асада Хафеза Асада і павезлі ў невядомым кірунку, паведамляе Syria TV са спасылкай на фатаграфіі і відэа. Бацька Асада, які памёр у 2000 годзе, быў пахаваны ў сямейным маўзалеі ў горадзе Кардаха ў правінцыі Латакія.
На адным з відэа, апублікаваным сірыйскай газетай Zaman al-Wasl, паказана, як раскопваюць магілу, сцвярджае Syria TV. Відэа знятае 17 красавіка, сцвярджае выданне.
У мінулым снежні, пасля звяржэння дыктатара Сірыі, людзі ў камуфляжы спалілі магільню Хафеза Асада, у тым ліку труну. Там жа пахаваныя ягоная жонка Аніса і старэйшы сын Басіль.
Хафез Асад стаў кіраўніком Сірыі ў 1971 годзе і займаў гэтую пасаду да сваёй смерці ў 2000-м. Потым краіну ўзначаліў ягоны сын Башар, які быў скінуты паўстанцамі ў пачатку снежня.
Дыктатар Сірыі ўцёк з краіны і атрымаў прытулак у Расеі.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
