Усіх, хто ў нядзелю ехаў з Беларусі ў Расею і назад, правяралі вайскоўцы
6- 28.04.2025, 20:55
- 14,178
Што вядома.
У мінулыя выходныя на мяжы Беларусі і Расеі ўтварыліся чэргі. Праз кантроль, які праводзілі вайскоўцы, дазволу на праезд трэба было чакаць больш за дзве гадзіны, паведаміў чытач «Люстэрка». Паспрабавалі даведацца ў Дзяржаўным памежным камітэце, што адбываецца.
Чытач «Люстэрка» Андрэй (імя змененае) у нядзелю, 27 красавіка, на аўтамабілі ехаў з Беларусі ў Расею. У пункце пропуску «Езярышча» ў Віцебскай вобласці ён нечакана для сябе натыкнуўся на вялікую чаргу з ахвотных перасячы мяжу.
– Было падобна, што пачаўся паўнавартасны кантроль, – паведаміў Андрэй. – У выніку ў кіламетровай чарзе я прастаяў 2,5 гадзіны. Кантроль ажыццяўлялі вайскоўцы.
Журналіст «Люстэрка» пад выглядам звычайнага грамадзяніна патэлефанаваў на гарачую лінію Дзяржаўнага памежнага камітэта Беларусі, каб даведацца, у чым прычына з'яўлення чэргаў.
– Гэта расейцы, а не мы. Яны там упускаюць і выпускаюць, – паведаміў дзяжурны. – Беларускі Дзяржаўны памежны камітэт на пунктах пропуску з Расеяй не прысутнічае і не ажыццяўляе кантроль. Калі гэта адбываецца, то праверкі праводзяць толькі расейцы.
Інфармацыя пра ўзнікненне чэргаў у пункце пропуску «Езярышча» з'явілася таксама ў тэлеграм-чатах, прысвечаных перасячэнню мяжы Беларусі і Расеі. Адны карыстальнікі паведамлялі, што чакалі праезду некалькі гадзінаў. Іншыя тлумачылі гэта доўгімі выходнымі ў Беларусі і набліжэннем летняга сезону.
«Гэта проста нядзеля. Што ж будзе на травеньскіх святах?» – пішуць адны.
«Вясна прыйшла. Улетку будзе кожную нядзелю так», – кажуць іншыя.
«Відаць, трэба ехаць у аб'езд», – робяць выснову трэція.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
