Расейцы абняславіліся на перамовах з ЗША: Лаўроў і Дзмітрыеў пачалі дзяліць крэсла проста перад Рубіё

З Масквы ў Эр-Рыяд прыбылі дзве канфліктныя групы.

На фоне заяў Крамля аб “сур'ёзных дыпламатычных намаганнях” па перамовах з ЗША высветлілася, што напраўду Пуцін не здольны арганізаваць уласную дэлегацыю без скандалу.

Як паведамляе "Агенцтва", перамовы паміж Масквой і Вашынгтонам суправаджаліся ўнутранымі канфліктамі паміж прадстаўнікамі Расеі настолькі відавочнымі, што гэта стала прыкметна нават амерыканскаму боку.

Разброд і хістанне на чале з пенсіянерамі

Са звестак крыніц, на лютаўскай сустрэчы ў Эр-Рыядзе Пуцін дазволіў удзельнічаць у перамовах адразу двум камандам, якія адкрыта канфліктуюць паміж сабой.

Гэта кіраўнік МЗС Сяргей Лаўроў (74 гады), памочнік прэзідэнта Юры Ушакоў (78 гадоў) і кіраўнік РФПІ Кірыл Дзмітрыеў - чалавек, звязаны з асяроддзем сям'і Пуціна.

І калі пенсійны ўзрост першых двух даўно робіць сумнеўнай іх здольнасць да актыўнай дыпламатыі, то ўдзел трэцяга абярнуўся поўнай арганізацыйнай ганьбай.

Скандал у Эр-Рыядзе: трэцяе крэсла лішняе

Як паведамляе “Агенцтва”, перад перамовамі Пуцін нібыта паабяцаў Лаўрову, што ў дэлегацыі будуць толькі ён і Ушакоў. Але пазней у асабістай гутарцы дазволіў Дзмітрыеву таксама ўдзельнічаць, не папярэдзіўшы пры гэтым Лаўрова. Вынік: на сустрэчы з'явілася трэцяе крэсла, якое выклікала сапраўдную істэрыку ў кіраўніка МЗС.

Даведаўшыся, што яно прызначанак для Дзмітрыева, Лаўроў адсунуў крэсла ад стала і дэманстратыўна адмовіўся садзіцца з ім побач, заявіўшы: "Няхай Уладзімір Уладзіміравіч сам мне пра гэта скажа".

Пазней, падчас перапынку, калі Лаўроў выйшаў, Дзмітрыеў скарыстаўся момантам і сеў за стол. Калі міністр вярнуўся і ўбачыў самавольнага ўдзельніка, сварыцца было ніякавата: у залу якраз вярталіся амерыканцы. Дзмітрыеў, са слоў крыніц, папрасіў: "Мне хаця б 15 хвілін пасядзець".

Ганьба на вачах у ЗША

Уся гэтая драма адбывалася не ў кулуарах, а на вачах у амерыканскіх дыпламатаў: спецпасланніка Трампа Стыва Уіткафа, дзяржсакратара Марка Рубіё і дарадцы ў нацыянальнай бяспецы Майка Уолца.

Удаючы «моцную вертыкаль», расейская дэлегацыя сварылася з-за крэслаў, паказваючы поўную адсутнасць каардынацыі і адзінства.

Ні Крэмль, ні МЗС Расеі не паведамілі аб місіі Дзмітрыева ў Вашынгтон ні слова. Пра яе першымі даведаліся… амерыканскія тэлеканалы. CNN паведаміў, што санкцыі супраць Дзмітрыева былі часова прыпыненыя для яго ўезду ў ЗША. Саму сустрэчу пацвердзілі і ў Reuters, але дэталі засталіся невядомымі.

Перамовы без цэнтра прыняцця пастаноў

Са слоў крыніцы "Агенцтва", уся расейская перамоўная сістэма - гэта хаос і асабістыя інтрыгі.

"Кожны ходзіць да Пуціна па адным, і ён кажа ўсім рознае, таму ніхто не можа дакладна сфармуляваць, чаго Расея наогул хоча", – падкрэслівае суразмоўца.

Расея хацела прадэманстраваць сябе роўным бокам у перамовах з ЗША, але на справе паказала толькі ўнутраную дэзарганізацыю, дыпламатычны маразм і глыбокі кадравы крызіс.

Пакуль амерыканцы і ўкраінцы дзейнічаюць, Масква прывозіць у Вашынгтон канфліктых пенсіянераў, якіх Пуцін трымае ў няведанні адзін пра аднаго.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]