Менчука абурылі выдадзеныя ў банку даляры

У банку паглядзелі відэа візіту і паспрабавалі апраўдацца.

Віталь захацеў зняць з валютнай карткі 1900 даляраў. Сцвярджае, што дома разгледзеў адну з купюр і знайшоў адразу тры пашкоджанні. У іншых абменніках банкноту браць не захацелі, таму мужчына напісаў зварот у банк, дзе атрымаў грошы.

Гісторыя адбылася 14 сакавіка. Віталь здымаў у адным з аддзяленняў 1900 даляраў.

- Касірка дзесьці ў сябе пад сталом адлічыла патрэбную суму, потым паклала іх у падліковую машынку, я праз шыбу ўбачыў, што машынка адлічыла патрэбную мне суму і пасля перадачы мне грошай не стаў іх нават пералічваць, - распавядае ён «Онлайнеру».

Віталь сцвярджае, што дома, калі пачаў раскладваць грошы, убачыў, што адна са стодаляравых купюр запэцканая сінім чарнілам, ёсць нейкая пячатка, і банкнота парваная пасярэдзіне.

- Я спрабаваў абмяняць гэтую купюру на беларускія рублі ў розных банках, але ўсюды атрымліваў адмову, бо яна нават паводле новых крытэрыяў не падыходзіць для абмену.

Мужчына палічыў, што касірка выдала яму ўжо сапсаваную купюру і напісаў пра гэта ў банк. Але давесці факт выдачы банкноты з пашкоджаннямі не ўдалося.

У адказе «Беларусбанка» (ліст ёсць у рэдакцыі) гаворыцца, што работнікі правялі разбіральніцтва і вывучылі аўдыё- і відэазапісы візіту кліента ў банк.

Пацвердзілася, што мужчына сапраўды прыходзіў у аддзяленне і здымаў з карткі 1900 даляраў.

— З улікам наяўнай у касе замежнай валюты спецыялістка адлічыла неабходную для выдачы суму даляраў ЗША, а менавіта 18 банкнот наміналам 100 даляраў ЗША і 2 банкноты наміналам 50 даляраў ЗША, узгадніўшы з вамі намінал выданых банкнот.

Разам з тым пацвердзіць наяўнасць на банкноце пашкоджання паводле запісаў сістэм відэаназірання не магчыма.

У адказе таксама гаворыцца, што банк не можа задаволіць заяву аб пашкоджанні банкнот, калі кліент не пералічыў гатоўку ў прысутнасці касіра.

У той жа час «Беларусбанк» прымае ад фізічных асоб на інкаса даляры ЗША, еўра і расейскія рублі. У такім выпадку валюту з пашкоджаннямі можна абмяняць (але з камісіяй).

- Гэтым выпадкам хачу папярэдзіць усіх, пералічвайце грошы ля касы і нікуды не спяшаецеся, бо ніхто не застрахаваны, - рэзюмуе Віталь.

Што рабіць у такой сітуацыі? Прадстаўнікі банкаў адзначаюць, што грошы трэба пералічваць ля касы - тады, калі купюра выклікае сумневы, яе могуць замяніць.

Калі забраць грошы і пайсці з імі, тады будзе больш складана давесці, што гэта банк выдаў такую купюру, а не кліент пашкодзіў яе ўжо пасля выдачы.

Хоць у большасці выпадкаў у банкаў ёсць магчымасць паглядзець запісы сартавальніка банкнот і праверыць па серыйных нумарах, ці была купюра ў касе, усё адно трэба ўстанавіць, калі менавіта ўзніклі пашкоджанні - да або пасля выдачы грошай кліенту.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]