Сербскія студэнты адправіліся ў Францыю на роварах, каб прыцягнуць увагу да пратэстаў
1- 3.04.2025, 19:28
Яны будуць праязджаць на роварах амаль 100-150 кіламетраў за дзень.
Студэнты сербскіх універсітэтаў, якія сцвярджаюць, што іх барацьба за справядлівасць і вяршэнства права застаецца без увагі, адправіліся на роварах у французскі Страсбург.
Аб гэтым напісала агенцтва AP.
Як адзначыла агенцтва, амаль 80 студэнтаў адправіліся ў чацвер, 3 красавіка, на роварах у шматдзённае падарожжа ў Страсбург, Францыя, каб прыцягнуць увагу ЕЗ да сваіх шматмесячных пратэстаў у краіне.
Раварысты адправіліся ў Страсбург з Новага Саду, дзе пачаліся маштабныя пратэсты супраць улады прэзідэнта краіны Аляксандра Вучыча пасля падзення навеса чыгуначнага вакзала ў лістападзе мінулага года, што забрала жыцці 16 чалавек.
«Мы чакаем, што хтосьці нарэшце адрэагуе на сітуацыю ў Сербіі», - заявілі студэнты.
Студэнты будуць праязджаць на роварах блізу 100-150 кіламетраў за дзень праз Вугоршчыну, Славаччыну, Аўстрыю і Нямеччыну, перш чым дабяруцца да Францыі. Па дарозе яны плануюць спыняцца ў сербаў, якія жывуць за мяжой, і ў сваіх аднакурснікаў з ЕЗ.
З іх слоў, гэтае падарожжа прадэманструе «настойлівасць і рашучасць студэнтаў» і «зробіць так, каб голас пачулі ва ўсім свеце».
Як вядома, Вучыч спрабуе здушыць сталыя дэманстрацыі, справакаваныя абвалам навеса чыгуначнага вакзала. Арганізатары пратэстаў заяўляюць, што прычынай трагедыі стала карупцыя ва ўрадзе, якая прывяла да нядбайнага і небяспечнага рамонту будынка вакзала.
Студэнты сербскіх універсітэтаў і іх выкладчыкі былі ключавой сілай агульнанацыянальных дэманстрацый, якія таксама адлюстроўваюць шырэйшую незадаволенасць праўленнем Вучыча.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
