Касіняк-Камыш: Змагаючыся з Расеяй, Украіна дзейнічае ў інтарэсах нашай бяспекі

Уся заходняя цывілізацыя павінна ўсвядоміць, у чым сутнасць барацьбы на ўкраінскім фронце.

Падтрымка Украіны і ўмацаванне вайсковага патэнцыялу Еўропы сталі галоўнымі тэмамі паседжання ў Варшаве нефармальнай Рады ЕЗ у замежных справах з удзелам міністраў абароны, паведамляе «Польскае радыё».

У ходзе першай працоўнай сесіі яе ўдзельнікі, сярод іншага, абмеркавалі пытанні далейшай падтрымкі Украіны. Міністр абароны Польшчы Уладзіслаў Касіняк-Камыш падкрэсліў, што ўся заходняя цывілізацыя павінна ўсвядоміць, у чым сутнасць барацьбы на ўкраінскім фронце.

«Наш вораг напаў на нашых сяброў і мы павінны ім дапамагаць. На карту таксама пастаўленыя нашыя дзяржаўныя інтарэсы і бяспека. Расея пагражае ЕЗ, пагражае NATO, пагражае нашай краіне. Змагаючыся з гэтай пагрозай, Украіна таксама дзейнічае ў інтарэсах нашай бяспекі», – сказаў міністр абароны Польшчы.

Чакаецца, што ўдзельнікі нефармальнай Рады ЕЗ у замежных справах таксама абмяркуюць пытанне ўзбраення Еўропы, уключаючы палажэнні так званай Белай кнігі, апублікаванай у Брусэлі 19 сакавіка.

У апублікаваным у Брусэлі 19 сакавіка дакуменце, сярод іншага, гаворыцца, што польскі «Шчыт Усход» і Балтыйская лінія абароны ўяўляюць сабой важныя для ўсяго ЕЗ абаронныя праграмы.

Белая кніга была апублікаваная камісарам ЕЗ у абароне Андрусам Кубілюсам. З учорашняга дня ён знаходзіцца ў Варшаве. Заўтра еўракамісар будзе ўдзельнічаць у пасяджэнні Парламенцкага камітэта ў справах нацыянальнай абароны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]