Кіт Келаг: Украіна і ЗША ўзгаднілі пералік умоў для спынення вайны

План змяшчае 22 «канкрэтныя» дзеянні.

У Лондане ў рамках перамоў аб заканчэнні вайны ўкраінская і амерыканская старана склалі спіс умоў, які змяшчае 22 «канкрэтныя» дзеянні.

Пра гэта паведаміў Спецыяльны прадстаўнік прэзідэнта ЗША Кіт Келаг у эфіры тэлеканала Fox News.

«Украінцам спадабаліся не ўсе, але нікому не спадабаецца канчатковая пазіцыя, якую вы выпрацуеце. Гэта нармальна, калі ў вас ёсць перамовы. Але мы з імі ў дастаткова ў добрым становішчы... калі гаворка ідзе пра ўкраінцаў, нам вельмі камфортна там, дзе мы цяпер знаходзімся», - пракаментаваў Келаг.

А на рыторыку міністра замежных спраў РФ Сяргея Лаўрова, які дапускае перамогу Расеі ў вайне супраць Украіны, Келаг адказаў, што яна не адпавядае рэчаіснасці.

«РФ не пераможа ў гэтай вайне. За апошнія паўтара года Расея не дасягнула ніякіх поспехаў... Яны страцілі сотні тысяч салдат, (яны) прасоўваюцца на метры, а не кіламетры. І ўкраінцы люта ваююць на сваёй зямлі. Таму, калі РФ кажа, што перамагае, гэта не так», - адзначыў Келаг.

Дыпламат падкрэсліў, што Расеі варта ўсвядоміць змяненне абставін: Украіна знаходзіцца ў добрай пазіцыі, а еўрапейскія партнёры актывізуюцца і фармуюць сілы падтрымкі без удзелу ЗША - пад кіраўніцтвам Вялікабрытаніі і Францыі.

«Яны гатовыя цяпер узмацніць, калі спатрэбіцца, сваю падтрымку Украіны», - падкрэсліў Келаг.

Ён адзначыў, што ніхто не пераможа ў гэтай вайне вайсковым шляхам, адзіны шлях-гэта дыпламатычны.

«Украінцы цяпер гэта дастаткова добра разумеюць пасля мінулага тыдня. І расейцы павінны гэта зразумець», - выказаў меркаванне Келаг.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]