У Беларусі павялічылася розніца ў заробках мужчын і жанчын

Аплату працы ацэньвалі паводле двух кірункаў.

У Беларусі падлічылі гендарны разрыў у сярэднегадзінным заробку. Нацыянальны статыстычны камітэт апублікаваў звесткі на кастрычнік 2024 года.

Розніцу ў аплаце працы ацэньвалі паводле двух кірункаў. Першы - нескарэктаваны гендарны разрыў. У ім падлік ідзе ўсіх працаўнікоў без уліку індывідуальных характарыстык. Другі кірунак улічвае ўзровень адукацыі, сферы дзейнасці, стаж і іншыя фактары.

У другім, скарэктаваным кірунку мужчыны апярэджваюць жанчын у заробках на 6%. Паводле звестак Белстата 2021 года гэты разрыў складаў 5,8%, адзначае Office Life.

А розніца без уліку сфер дзейнасці, адукацыі, стажу і іншых нюансаў склала 26,8%. За тры гады да таго мужчыны зараблялі на 24,3% больш, чым жанчыны.

Розніцу ў заробках не аднойчы прызнавала і Мінпрацы. Там называлі лічбу на 20-25%. Такую розніцу чыноўнікі тлумачылі тым, што жанчыны ў Беларусі звычайна працуюць пераважна ў бюджэтнай сферы, а мужчыны — на так званых «шкодных працах».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]