Чыноўнікі сабраліся ўзаконіць адабранне пенсій у некаторых катэгорый насельніцтва
9- 4.04.2025, 14:42
- 19,674
Што з гэтымі планамі?
Чыноўнікі збіраюцца ўвесці змены аб пенсіях і ўнёсках у Фонд сацабароны насельніцтва. Адпаведны законапраект 2 красавіка ў першым чытанні зацвердзіў парламент. Ім сярод іншага прадугледжаныя новаўвядзенні для індывідуальных прадпрымальнікаў і тых, хто працуе на падатку на прафдаход. Ад некаторых правак, якія хацелі ўнесці, у выніку адмовіліся, піша «Зеркало».
А якая сітуацыя з пенсійнымі зменамі для зняволеных, якія таксама раней збіраліся ўвесці гэтым дакументам?
Новаўвядзенне што да пенсій зняволеных і ўзаконьванне адабрання грошай на аплату харчавання і ЖКП
Як раней распавядала «Зеркало», чыноўнікі хочуць пералічваць пенсіі зняволеных не на асабовы рахунак кожнага з іх, як гэта адбываецца цяпер, а проста «ў папраўчую ўстанову».
Для гэтага таксама маюць намер увесці змены ў Крымінальна-выканаўчы кодэкс. «Выплата пенсій асуджаным (акрамя непаўналетніх) ажыццяўляецца органамі, якія прызначаюць і выплачваюць пенсію, шляхам пералічэння належных сум пенсій у папраўчую ўстанову па месцы адбывання пакарання», - паказана ў законапраекце.
Пры гэтым чыноўнікі хочуць прапісаць, што з пенсій, якія знаходзяцца ў месцах пазбаўлення волі, могуць утрымліваць сродкі на кампенсацыю кошту харчавання, камунальных паслуг, сродкаў персанальнгай гігіены, адзення і абутку (акрамя кошту спецыяльнага харчавання, спецыяльнага адзення, спецыяльнага абутку і іншых неабходных сродкаў індывідуальнай абароны).
Па факце гэта робяць і зараз, на гэта раней звярталі ўвагу праваабаронцы. Размова аб тым, каб узаконіць гэтую схему.
Што вядома аб лёсе гэтых правак?
Чыноўнікі не акцэнтуюць увагу на гэтых прапанаваных зменах. Напрыклад, у Мінпрацы не расказвалі пра іх, ні калі з'явіўся законапраект, ні калі яго зацвердзіў у першым чытанні парламент 2 красавіка.
На сайце парламенце пазначана, што змены наконт пенсій тых, хто знаходзіцца ў зняволенні, маюць намер увесці.
«Пры змяшчэнні пенсіянера ў месцы пазбаўлення волі прызначаную яму пенсію будуць пералічваць у папраўчую ўстанову па месцы адбывання пакарання цалкам, - адзначае на сайце Палаты прадстаўнікоў. — Усе неабходныя ўтрыманні з пенсіі (у тым ліку кошт утрымання), будуць наўпрост ажыццяўляцца папраўчай установай (сёння пенсійныя органы ўтрымліваюць кошт утрымання і ў папраўчую ўстанову пералічваецца 10% пенсіі)».
Далей законапраект павінны разгледзець у другім чытанні ў парламенце. Калі дэпутаты яго ўхваляць, то ён пойдзе ў "савет рэспублікі", а пасля гэтага - на стол Аляксандра Лукашэнкі.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
