Аўстрыя закрывае межы з Вугоршчынай і Славакіяй

Праз усплёск яшчуру.

З суботы, 5 красавіка, Аўстрыя зачыняе 24 пункты пропуску на мяжы з Вугоршчынай і Славакіяй. Прычынай гэтаму стаў усплёск у краінах-суседках яшчуру – вострага віруснага захворвання, якое шкодзіць парнакапытным жывёлам, піша BILD.

Цяпер хвароба распаўсюджваецца ўсяго за некалькі кіламетраў ад аўстрыйскай мяжы. У Вугоршчыне і Славакіі ўжо знішчаюцца тысячы жывёлаў, Аўстрыя таксама ўводзіць забарону на ўвоз жывёлаў і прадуктаў жывёльнага паходжання, уключаючы буйную рагатую жывёлу, свіней, свежае мяса, сырое малако і дзічыну. Гэтыя захады бяспекі прадоўжацца, папярэдне, да 20 траўня.

«Гэта самы небяспечны вірус, які мы ведаем» – мяркуе вірусолаг Норберт Навотны з Венскага ветэрынарнага ўніверсітэта.

Яшчур уважаецца за надзвычай заразны і шкодзіць усім парнакапытным, уключаючы буйную рагатую жывёлу, свіней, козаў і авечак. Таксама могуць быць інфекаваныя дзікія жывёлы, такія як алені. Яго ўсплёск выклікае небяспеку для сельскай гаспадаркі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]