Як беларусы могуць адмовіцца ад удзелу ў «суботніку»?

Дастаткова спаслацца на адзін артыкул Працоўнага кодэкса.

На наступных выходных, 12 красавіка, у Беларусі запланаваны першы сёлета «рэспубліканскі суботнік».

«Смартпресс» распавёў аб нюансах у правядзенні гэтага «мерапрыемства».

Па-першае, партал адзначае, што, паводле пастановы Саўміна, мерапрыемства праводзіцца «выключна на добраахвотнай аснове». Пры гэтым як такога паняцця «суботнік» не існуе. Мяркуецца, што гэта — «свядомая арганізаваная бясплатная праца на карысць грамадства ў вольны ад працы час».

Адмовіцца ад удзелу можна, спаслаўшыся на артыкул 137 ПК РБ - усе работнікі маюць права на выходныя дні, якія яны могуць выкарыстоўваць на сваё меркаванне. Адпаведна, адмова ад удзелу ў суботніку — не дысцыплінарная правіна. Наймальнік не мае права патрабаваць ад работнікаў выканання работы пад пагрозай ўжывання якога-небудзь уздзеяння (ч.2 арт.13 ПК).

Аднак калі паўдзельнічалі - аплата за гэты дзень не прадугледжаная. Выключэнне складаюць толькі выпадкі, калі суботнік праводзяць у працоўны дзень (змену) - тады наймальнік абавязаны заплаціць супрацоўніку за фактычна адпрацаваны час.

Дарэчы, дадатковы выхадны таксама не пакладзены - заканадаўства Беларусі не прадугледжвае адпачынак за ўдзел у грамадскіх мерапрыемствах, такіх як «суботнікі», святочныя дэманстрацыі і іншыя.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]