«Неўзабаве Пуцін будзе самым уразлівым»

Аналітык расказаў, як не ўпусціць гэты момант.

Прэзідэнт ЗША Дональд Трамп 2 красавіка абвясціў аб увядзенні мыты на ўвесь імпарт у Злучаныя Штаты з усіх краін свету. Але пры гэтым на Расею і Беларусь мыты не былі накладзеныя.

Фінансавы аналітык Віталь Шапран распавёў у інтэрв'ю «Главреду», чаму краіна-агрэсарка РФ не патрапіла пад амерыканскі «мытны ўдар».

З ягоных слоў, у першую чаргу на РФ не былі накладзеныя такія мыты, бо Расею чакаюць «пякельныя мыты» - пад гэта рыхтуецца асобны закон. Па-другое, у гандлёвым абарачэнні Расеі істотную долю займаюць такія матэрыялы, як тытан і іншыя спецыфічныя матэрыялы, якія не для шырокага спажывання.

«Да таго ж, у РФ з ЗША ёсць супрацоўніцтва ў касмічнай галіне. Аднак гэта не ідзе па таварным рахунку, а ў асноўным у выглядзе паслуг. І гэта ўсё працягваецца, яны не закансерваваныя і маюць супольныя палёты ў космас і гэтак далей. Яны эксплуатуюць МКС разам», - сказаў Шапран.

Ён зазначыў, што расейцы хочуць весці перамовы аб зняцці санкцый. Аднак эксперт нагадаў, што рэспубліканцы і дэмакраты ў Кангрэсе ўжо маюць супольны законапраект, які прадугледжвае ўвядзенне санкцый супраць тых краін, якія дапамагаюць Расеі гандляваць нафтай. Са слоў Шапрана, гэта не выпадкова.

«Сусветныя медыі, такія як Bloomberg і Reuters, ужо нават вылічылі індыйскіх мільярдэраў, якія нажыліся на гандлі расейскай нафтай. Гэта ўсё не выпадковыя справаздачы, я ў гэтым абсалютна ўпэўнены, бо інфармацыя аб гэтым была канфідэнцыйнай, і гэты выцек інфармацыі адбыўся. Я думаю, што Расеі выразна далі зразумець: калі яны будуць працягваць у тым жа духу, то рыторыка Дональда Фрэдавіча стане больш жорсткай, і пасля абрынецца ўся нафтавая краіна», - адзначыў фінансавы аналітык.

Ён звярнуў увагу, што ў Расеі ўжо ў пачатку сакавіка быў прыкметны недахоп грошай - у першых чыслах у РФ абвясцілі, што не могуць закрыць квартал, таму пазычаюць яшчэ 2 трыльёны рублёў праз ОВЗ і Міністэрства фінансаў.

«Гэта значыць, той жа крок, што яны зрабілі ў канцы снежня, яны былі вымушаныя паўтарыць у сакавіку. Гэта фактычна азначае, што яны яшчэ надрукавалі мінімум 2 трыльёны рублёў і ўвялі іх у сістэму», - сказаў фінансавы аналітык.

Ён падкрэсліў, што кошт нафты падае. З яго слоў, кошт нафты ўжо мог упасці ніжэй за 70 даляраў за барэль. Таму што калі адбываецца эскалацыя гандлёвай вайны і прагназуецца глабальны гандлёвы канфлікт, то аўтаматычна кошты такой сыравіны, як нафта будуць зніжацца і вельмі моцна.

«Расейцы цалкам спынілі публікацыю ўсіх звестак і, паводле маёй інфармацыі, у першай палове сакавіка кошты нафты маркі Urals былі недзе 56-57 даляраў за барэль у расейскіх партах. Прычым на поўдні экспартныя кошты былі на даляр вышэйшыя, чым на поўначы», - сказаў Шапран.

З яго слоў, ЗША магчыма менавіта таму не спяшаліся з тарыфамі - бо ёсць шмат фактараў, якія могуць паўплываць на расейскую эканоміку і нашкодзіць перамовам.

«І я думаю, што расейцы павінны пайсці на ўмовы Злучаных Штатаў, асабліва калі гэты сцэнар будзе развівацца негатыўна, калі мы станем сведкамі разгортвання першай сусветнай тарыфнай вайны. У такой сітуацыі я не выключаю, што Brent можа абрынуцца да 50$ за барэль. Тады расейская нафта будзе каштаваць 40$, а гэта ўжо ніжэй за сабекошт. Ім будзе танней проста зліваць яе дзесьці ў Сібіры, бо кансерваванне свідравін - гэта дорага, а раскансервацыя - яшчэ даражэй. Але яны не эканомяць сваю прыроду, не берагуць яе, проста будуць выліваць нафту пад адкрытым небам - і ўсё. Таму, каб такога не адбылося, яны мусяць таксама ісці на перамовы.

Для ЗША расейскае пытанне зараз можа быць другарадным, а магчыма, нават і трэцярадным, на жаль, для нас. Яны могуць проста не прымаць да ўвагі, што думае Расея на гэты конт. Хоць ЗША паўтараюць, што канфлікт трэба спыняць, але зразумела, што іх эканамічныя матывы для іх - найвышэй. А палітычныя пытанні, пагатоў тыя, што далёка ад іх тэрыторыі, маюць для іх меншы прыярытэт, зазначыў Шапран.

З яго слоў, нам трэба ўважліва сачыць, каб не ўпусціць той момант, калі Пуцін будзе найбольш уразлівым.

«А гэта можа адбыцца ўжо ў найбліжэйшыя месяцы. Прыкметы эканамічнага крызісу ў Расеі ўжо заўважныя: зафіксаваныя затрымкі заробкаў у Хакасіі настаўнікам, медыкам. Гэта першыя сігналы дэфолту дзяржаўных фінансаў. У лютым выйшла разгромная справаздача ўрада Камчаткі, дзе яны заявілі, што не ведаюць, дзе браць грошы. Кузбас афіцыйна звярнуўся з просьбай спісаць пазыкі, бо рэгіён проста не вытрымлівае фінансавай нагрузкі праз закрыццё шахт. Крызіс пачынаецца з рэгіёнаў, і ён ужо распаўсюджваецца - гэта не проста прагнозы. І таму падзенне коштаў нафты можа вельмі моцна ажывіць мірны працэс», - сказаў фінансавы аналітык.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]