Зорка нямецкага футбола Томас Мюлер пакідае «Баварыю»

У клубе сканчаецца цэлая эпоха.

Адзін з самых вядомых нямецкіх футбалістаў Томас Мюлер (Thomas Müller) абвясціў аб заканчэнні сваёй кар'еры ў мюнхенскай «Баварыі». Яго кантракт у гэтым футбольным клубе, які заканчваецца ў канцы сезона наступным летам, не будзе падоўжаны, паведаміў 35-гадовы чэмпіён свету 2014 года ў сацсетках у суботу, 5 красавіка, паведамляе «Нямецкая хваля».

Кіраўніцтва «Баварыі» апраўдала развітанне з праслаўленым нападнікам новымі планамі што да складу каманды ў будучым сезоне. Са слоў спартовага дырэктара клуба Макса Эберля (Max Eberl), пастанова далася «Баварыі» нялёгка, але каманда мае намер засяродзіцца на будучыні. Апошнія афіцыйныя гульні футбаліст правядзе за мюнхенскі клуб наступным летам на клубным чэмпіянаце свету ў ЗША.

Нямецкая тэлерадыёкампанія Bayerischer Rundfunk адзначае, што такім чынам кіраўніцтва «Баварыі» не выканала жаданне Мюлера, які імкнуўся застацца ў клубе яшчэ на адзін год.

743 матчы за «Баварыю»

Клуб таксама паведаміў, што ў гонар Мюлера будзе згуляны развітальны матч. «Ніхто не перамог больш за чэмпіянаты Няменччыны. 33 розныя тытулы гавораць самі за сябе. Ён папоўніць шэрагі самых выбітных асобаў «Баварыі», - заявіў старшыня клуба Герберт Гайнер (Herbert Hainer). Як адзначае агенцтва dpa, з развітаннем з Томасам Мюлерам у «Баварыі» сканчаецца цэлая эпоха.

Як паказваецца на сайце «Баварыі», Томас Мюлер усяго правёў за клуб 743 матчы, апярэдзіўшы такіх зорак футбола, як Зэп Маер (709), Олівер Кан (632) і Франц Бекенбаўэр (584). Мюлер забіў 174 галы і зрабіў 171 галявую перадачу, а таксама атрымаў 30 жоўтых і адну чырвоную картку.

Адзін з самых паспяховых нямецкіх футбалістаў

Томас Мюлер - адзін з самых паспяховых нямецкіх футбалістаў усіх часоў, 12-разовы чэмпіён бундэслігі. Акрамя перамогі на ЧС-2014 у Бразіліі, ён сярод іншага 12 разоў станавіўся чэмпіёнам бундэслігі, а ў 2013 і 2020 гадах вызначыўся «залатым хет-трыкам», перамогшы ў складзе клуба ў фінале Лігі чэмпіёнаў, чэмпіянаце бундэслігі і Кубку Нямеччыны ў футболе.

З 2010 да 2024 года Мюлер уваходзіў у склад нацыянальнай каманды Нямеччыны ў футболе, у складзе якой правёў 131 матч. Форвард «Баварыі» - таксама першы гулец, які са сваёй камандай атрымаў 350 перамог у матчах бундэслігі. Увогуле за сваю кар'еру Томас Мюлер здабыў 33 медалі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]