Der Spiegel: Трамп, здаецца, губляе цярпенне ў дачыненні да Пуціна
14- 5.04.2025, 14:56
- 10,130
Рубіё фактычна агучыў ультыматум Вашынгтона.
ЗША губляюць цярпенне ў дачыненні да Расеі ў спробах дабіцца спынення агню ва Украіне, піша Der Spiegel са спасылкай на інфармацыю ў колах NATO.
Як зазначае выданне, на сустрэчы міністраў замежных спраў, якая адбылася ў Брусэлі ў пятніцу, некалькі еўрапейскіх хаўруснікаў выказалі разуменне таго, што прэзідэнт ЗША Дональд Трамп ужо страчвае цярпенне ў дачыненні да РФ.
Са слоў выдання, дзяржсакратар ЗША Марка Рубіё на сустрэчы ў Брусэлі выразна даў зразумець, што Трамп, здаецца, ужо не доўга будзе цярпець тактыку зацягвання з боку расейскага дыктатара Уладзіміра Пуціна. Ён сказаў, што гаворка ідзе, хутчэй, пра «тыдні, а не месяцы».
«Мы даведаемся ў найбліжэйшы час - праз некалькі тыдняў, а не месяцаў, - ці сур'ёзна Расея настроеная на мір. Я спадзяюся, што так, гэта было б добра для свету», - цытуе выданне Рубіё.
Ён таксама сказаў, што прэзідэнт ЗША «не трапіць у пастку серыі бясконцых перамоў».
«Калі б Масква хацела міру, гэта было б выдатна.
Рубіё паведаміў, што ў Вашынгтоне сустракаўся з расейскім перамоўнікам Кірылам Дзмітрыевым і перадаў яму пэўную інфармацыю для расейскага кіраўніцтва, напрыклад, аб тым, што ЗША павінны дакладна ведаць, ці сур'ёзна РФ ставіцца да міру. Ён адзначыў, што ўкраінцы ўжо прадэманстравалі сваю гатоўнасць да поўнага спынення агню.
Між тым, гаворыцца ў матэрыяле, застаецца незразумелым, як ЗША адрэагуюць, калі Пуцін не зменіць свайго курса. Сярод варыянтаў разглядаюцца новыя санкцыі ЗША супраць расейскай эканомікі, а таксама дадатковая вайсковая дапамога Украіне.
Акрамя таго, Der Spiegel прывёў словы міністра замежных спраў Жана-Наэля Баро, які сказаў, што «Расея павінна даць ЗША адказ», а яго калега з Вялікай Брытаніі Дэвід Лэмі падкрэсліў, што расейскі дыктатар Уладзімір Пуцін «мог ужо пагадзіцца на замірэнне», аднак ён і далей бамбіць Украіну, яе цывільнае насельніцтва і энэргетычную інфраструктуру.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
