Разведка Брытаніі: УСУ контратакуюць на ўсходзе

Тэмпы прасоўвання Расеі зніжаюцца штомесяц з лістапада 2024 года.

З пачатку гэтага года прасоўванне расейскіх акупацыйных войскаў ва Украіне замарудзілася, а колькасць атак паменшылася, паведамляе брытанская разведка.

У сакавіку 2025 года расейскія войскі, хутчэй за ўсё, захапілі 143 квадратныя кіламетры ўкраінскай тэрыторыі, што ў сярэднім складае менш за 5 квадратных кіламетраў у дзень, гаворыцца ў паведамленні ў Х Мінабароны Вялікай Брытаніі.

"Тэмпы прасоўвання Расеі зніжаюцца штомесяц з лістапада 2024 года, калі яе войскі захапілі больш за 700 квадратных кіламетраў", - гаворыцца ў справаздачы.

Адзначаецца, што больш за ўсё дасягненняў у сакавіку расейскія акупацыйныя сілы мелі ў цэнтральнай частцы Данецкай вобласці, аднак палепшыць свае аператыўныя пазіцыі захопнікам не ўдалося.

«Украінскія войскі таксама праводзілі тактычныя контратакі, што дазволіла нівеліраваць некаторыя дасягненні Расеі вакол Пакроўска», - распавялі ў брытанскай разведцы.

У аглядзе таксама гаворыцца, што ў канцы сакавіка расейцы павялічылі колькасць наземных нападаў, колькасць якіх падала на працягу месяца, але яны "не прывялі да павелічэння тэмпаў прасоўвання".

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]