Украіна вярнула 45 грамадзян з акупаваных тэрыторый, Расеі і Беларусі

Большасць з іх - людзі сталага веку.

Украіна вярнула з часова акупіраванай тэрыторыі яшчэ 45 сваіх грамадзян. Пра гэта паведаміў упаўнаважаны Вярхоўнай Рады Украіны ў правах чалавека Зміцер Лубінец.

Са слоў амбудсмэна, украінцам таксама ўдалося вярнуць з тэрыторыі Расеі і Беларусі.

- Для многіх з іх гэта стала адзінай магчымасцю пазбегнуць небяспекі, звязанай з абмежаваннем правоў, недастатковым доступам да медычнай дапамогі, ціскам і рызыкай для жыцця з боку акупацыйных адміністрацый, - адзначыў Лубінец.

Ён дадаў, што сярод эвакуіраваных пераважна людзі, якія маюць патрэбу ў асаблівых умовах для бяспечнага перамяшчэння, а менавіта маламабільныя і цяжкахворыя грамадзяне.

- Яны не мелі фізічнай магчымасці самастойна пакінуць часова акупаваную тэрыторыю. 10 чалавек мелі патрэбу ў неадкладным лячэнні, мелі цяжкія хранічныя захворванні; для 23-х чалавек была арганізавана эвакуацыя з прыцягненнем спецыялізаванага транспарту і медычнага суправаджэння, - падкрэсліў амбудсмэн.

Лубінец адзначыў, што пераважная колькасць вернутых гэта людзі сталага веку. Самай старэйшай украінцы - 93 гады. Таксама былі вернуты людзі, якія маюць патрэбу ў прававой дапамозе і суправаджэнні, бо страцілі асабістыя дакументы і не маглі самастойна перасячы мяжу.

- Заўважу, што частка ўкраінцаў, якія ўжо на падкантрольнай тэрыторыі Украіны, зазналі пераслед з боку акупацыйных адміністрацый. Між іншым, сям'я, бацьку якой выкралі акупанты і катавалі, у выніку чаго ён загінуў, - напісаў упаўнаважаны Вярхоўнай Рады ў правах чалавека.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]