У Менску красавіцкі снег сарваў топ-матч чэмпіянату Беларусі ў футболе
3- 5.04.2025, 21:37
- 9,346
Гульцоў было цяжка адрозніваць.
5 красавіка прайшлі матчы 3-га тура чэмпіянату Беларусі. Праўда, не адбыўся галоўны - паміж менскім «Дынама» і гарадзенскім «Нёманам». Усяму віной красавіцкі снег, які абрынуўся на сталіцу Беларусі. Каманды выйшлі на поле, але адразу было цяжка - асабліва адрозніць гульцоў гаспадароў у белай форме, піша «Трыбуна».
У сацсетках "Дынама" перад стартавым свістком напісалі, што "гульцам не пазайздросціш, але матч павінен адбыцца". Аднак у галоўнага арбітра Дзмітрыя Маркава аказалася іншае меркаванне. Праз 15 хвілін пасля пачатку сустрэчы ён наважў, што так гуляць нельга. Каманды павялі ў падтрыбунку, а яшчэ праз 20 з невялікім хвілін дэлегат АБФФ Сяргей Ільіч зацвердзіў пастанову спыніць матч.
Па рэгламенце "вышкі" паядынак, які не дайгралі "з-за метэаўмоў, небяспечных для здароўя футбалістаў", павінны прадоўжыць "у іншы дзень з хвіліны, наступнай за той, на якой быў спынены". Новы час і месца павінны ўзгадніць з камандамі і дзяржТВ, якая транслявала сустрэчу.
Снегапад парушыў і графік матча БАТЭ, які прыехаў у госці да "Маладзечна". Але ў выніку гульня толькі пасунулася з 14:00 на 14:30, пакуль чысцілі поле.
Непасрэдна ў гульні, падчас якой снег таксама ішоў, усё вырашыў адзін мяч - Аляксандр Ануфрыеў забіў пасля прастрэлу Жана Шарля ў канцоўцы першага тайма.
У канцоўцы БАТЭ нават гуляў на адбой - а маладзечанцы, нагадаем, у першых двух турах атрымалі два разгромы ад «Нёмана» і «Славіі». Зрэшты, барысаўчане ўтрымалі перамогу, няхай і 1:0, і пакуль што займаюць другое месца ў табліцы (зрэшты, у нядзелю іх напэўна пасунуць). «Маладзечна» ж з нулём балаў у трох матчах застаецца апошнім.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
