«Жорсткія вулічныя баі»: Афіцэр УСУ назваў рэальныя страты РФ у баях за Тарэцк

Лік уражвае.

Страты расейскіх войскаў у баях за Тарэцк Данецкай вобласці перавысілі 15 тысячаў загінулымі, а з улікам параненых гэтыя лікі яшчэ большыя. Пра гэта ў эфіры Украінскага радыё паведаміў кіраўнік аддзела камунікацыі 100-й асобнай механізаванай брыгады, капітан Сяргей Хамінскі.

Паводле ягоных словаў, падраздзяленне знаходзіцца на Тарэцкім кірунку з сярэдзіны ліпеня 2024 года, і лютыя баі за горад прадаўжаюцца ўжо дзявяты месяц.

«За гэты час вораг панёс без усялякага перабольшання катастрафічныя страты ў жывой сіле, колькасць беззваротных стратаў ворага перавысіла 15000 у Тарэцку. Гэта тыя акупанты, якія былі знішчаныя. Калі гаварыць пра агульныя страты ворага на нашым кірунку за гэты перыяд, то гэта ўжо больш за 50000 асабовага складу. Крамлёўскія прапагандысты ўжо некалькі разоў абвяшчалі пра “вызваленне Тарэцка”, усе мы гэта добра памятаем. Было нават некалькі спробаў дзесьці на ўскраінах Тарэцку вывесіць брудную трохкаляровую анучу, але ўсе гэтыя спробы пацярпелі няўдачу», – сказаў Хамінскі.

Хамінскі адзначыў, што ў горадзе ідуць жорсткія вулічныя баі, дзе адлегласць паміж украінскімі і расейскімі пазіцыямі часам складае толькі адзін калідор у будынку. Ён падкрэсліў, што такое супрацьстаянне стала магчымым дзякуючы мужнасці ўкраінскіх байцоў.

Асабліва ён вылучыў пяхоту, назваўшы яе дзеянні ўнікальнымі нават у кантэксце сусветнай ваеннай гісторыі. У некаторых выпадках байцы заставаліся на пазіцыях больш за 100 дзён без ратацыі, бо выезд і заезд у зону баёў надзвычай небяспечны. Адзін з вайскоўцаў, як паведаміў Хамінскі, правёў на перадавой 77 дзён запар, пасля кароткага адпачынку зноў вярнуўся на пазіцыі. За такія надзвычайныя намаганні брыгаду называюць «Сталёвай соткай».

Афіцэр таксама адзначыў, што Тарэцк з'яўляецца стратэгічна важным – ён адкрывае шлях да Канстанцінаўкі, аднаго з ключавых гарадоў у ахоўным поясе разам з Дружкаўкай, Краматорскам і Славянскам. Канстанцінаўка ўжо адчувае сур'ёзныя разбурэнні ад няспынных абстрэлаў.

«Калі да Краматорска, да Славянска далятаюць КАБы і больш дальнабойныя рэчы, то Канстанцінаўка пакутуе ўжо ў разы мацней. Сёння Канстанцінаўка, на жаль, вельмі і вельмі сур'ёзна пакутуе. Не кажучы ўжо пра Тарэцк. Гэта ўжо не руіны, гэта ўжо рэшткі руінаў», – дадаў ён.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]