Беларуска выступіла ў папулярным польскім тэлешоў і зачаравала журы

Берасцейка пераехала ў Польшчу пасля пратэстаў 2020 года.

Беларуская выканаўца Kassia Noua разам з украінскім гітарыстам Іллём Кушнеравым выступіла ў музычным шоў Must be the music на тэлеканале Polsat. Сябры журы паставілі іх кампазіцыі найвышэйшую адзнаку, піша Most.

22-гадовая Настасся Кухарчык з Берасця, якая выступае пад сцэнічным псеўданімам Kassia Noua, прыехала ў Польшчу пасля падзей 2020 года. Цяпер яна студэнтка Уроцлаўскага ўніверсітэта. 19-гадовы Ілля Кушнераў прыехаў у Польшчу пасля пачатку вайны.

У тэлешоў яны прадставілі кампазіцыю на англійскай мове Difficult Ages, якую Kassia Noua прысвяціла пратэстам 2020 года ў Беларусі. Асобныя фразы яна спявае па-расейску. У песні дзяўчына задаецца пытаннем: "Ці ёсць месца ў гэтым новым свеце для тых, чые думкі скралі?"

Журы высока ацаніла нумар дуэта: выканаўцы атрымалі чатыры "Так".

- Калі сур'ёзна, у мяне няма слоў. Гэта сапраўды вельмі высокі палёт, які адначасова адпраўляў мяне кудысьці ў сучасную музыку, і адначасова - мы пераглядаліся з Себасцьянам [Карпель-Булецка, чальцом журы], і ён казаў: "Там чутны фальклор", - гэта сапраўды траплянне ў кропку, гэта фенаменальна, - сказаў чалец журы.

- У цябе пранізлівы вакал. Вельмі спелая кампазіцыя, такая гатовая, гітовая. Гэта матэрыял на гіт, а мы хочам гітоў! — пракаментавала сябра журы Наталля Шродэр.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]